देउवाको ‘प्रोपागाण्डा’ भिडियोमा विश्वप्रकाशकाे टिप्पणी : काम गरे जनताले नै बनाउँछन् भिडियो
काठमाडौं। काँग्रेस सभापति शेरबहादुर देउवा प्रधानमन्त्री बनेपछि ‘मलाई शेरबहादुर मनपर्छ किनभने ..’ भन्दै देउवाको स्तुतिगान गरिएको भिडियो देउवाको सचिवलायले सार्वजनिक गरिरहेको छ। हालसम्म देउवाको सचिवलायबाट यसप्रकारका तीनवटा भिडियोहरु सार्वजनिक भएका छन्।
देउवाको स्तुतिगान गरिएका भिडियोहरु देउवाकै सचिवलायबाट सार्वजनिक गरिएपछि देउवाको आलोचना शुरु भएको छ। खिसिट्यरीसमेत गरिएको छ। यही विषयमा काँग्रेस प्रवक्ता विश्वप्रकाश शर्माले आफ्नो धारणा सार्वजनिक गरेका छन्।
मलाइ शेरबहादुर देउवा मन पर्छ किनभने…
उहा २४ घन्टा देश पाटि आफ्नो सस्था लाइ राम्रो गर्ने पिल्ज गर्ने भनेर दत्त चित्त भएर काम गर्ने हुन्छ !! pic.twitter.com/1vzcgAfhou— Sher Bahadur Deuba Fan (@SherBDeubaFan) August 4, 2021
उनले ट्वीटरमा यी भिडियोबारे प्रतिक्रिया दिँदै यो काम गर्नेबेला भएको बताएका छन्। उनले लेखेका छन्, ‘प्रधानमन्त्रीले काम गर्ने बेला हो यो। उहाँलाई सही सल्लाह र साथ दिने बेला हो। काम राम्रो भए जनता आफैले बनाउने छन् भिडियो। नत्र पार्टीले बनाउला। पहिले फुल रोपौं, गोडमेल राम्रो गरौं, सुवास प्रकृतिले पछि फैलाउँछ। प्रधानमन्त्रीको सचिवालयको ध्यानाकर्षण गराएको छु। जय नेपाल !’
प्रधानमन्त्रीले काम गर्ने बेला हो यो l उहाँलाई सहि सल्लाह र साथ दिने बेला हो l काम राम्रो भए जनता आफैले बनाउने छन्- `भिडियो´,
नत्र पार्टीले बनाउला !पहिले फुल रोपौं, गोडमेल राम्रो गरौं, सुवास प्रकृतिले पछि फैलाउँछ l `प्रधानमन्त्रीको सचिवालय´को ध्यानाकर्षण गराएको छु l जय नेपाल !
— Bishwa Prakash शर्मा (@bishwaprakash77) August 5, 2021
देउवाको भिडियोलाई व्यंग्य गर्दै विहीबार चिकित्सक डा. रामेश कोइरालाले पनि एक भिडियो बनाएका छन्। जुन भिडियो भाइरल भइरहेको छ।
मलाई शेर बहादुर देउवा मन पर्छ, किन भने…
‘उहाँ नेपाली जनताको समृद्धिका लागि अहोरात्र खट्न सक्ने अद्भूत क्षमताको मानिस हुनुहुन्छ। केपी ओलीजी, प्रचण्डजी र शेर बहादुरजी मेरालागि उस्तै उस्तै महानायक हुनुहुन्छ।’🙏🙏🙏🙏🙏 pic.twitter.com/8HRMKRjj6I— रामेश (@RaameshKoirala) August 5, 2021
Facebook Comment