लगातार दोस्रो जीतसँगै माल्दिभ्स दोस्रो स्थानमा उक्लियो
काठमाडौं । घरेलु टोली माल्दिभ्स लगातार दोस्रो जीत निकाल्दै साफ च्याम्पियनसिप फुटबलको दोस्रो स्थानमा उक्लिएको छ ।
आइतबार साँझ मालेस्थित राष्ट्रिय रंगशालामा माल्दिभ्सले श्रीलंकालाई १-० गोल अन्तरले हराउँदै दोस्रो जीत निकाल्दा दोस्रो स्थानमा उक्लिएको हो ।
माल्दिभ्सको जीतमा अनुभवी खेलाडी अलि अस्फाकले खेलको छैटौँ मिनेटमा निर्णायक गोल गरे । माल्दिभ्सले तीन खेलमा ६ अंक जोडेको छ । माल्दिभ्सले फाइनलमा स्थान बनाउने संभावनासमेत बलियो बनाएको छ ।
श्रीलंका भने प्रतियोगिताबाट बाहिरिएको छ । पुछारको श्रीलंकाले चार खेलमा १ अंक जोडेको छ ।
प्रतिक्रिया
Facebook Comment