झिझिया नाच हेर्न गएका किशोरको शव इनारमा भेटियो – Dcnepal

झिझिया नाच हेर्न गएका किशोरको शव इनारमा भेटियो

सिरहा । सिरहामा इनारमा डुबेको अवस्थामा एक किशोरको शव फेला परेको छ। गोलबजार नपागरपालिका–८ भाइजिटोलका भुनेश्वर महतोको छोरा १७ वर्षीय सत्रुधन महतोको नरहा गाउँपालिका–३ नयाँ चौक चोहर्वाको इनारमा डुबिरहेको अवस्थामा शनिबार विहान फेला परेका हुन्।

दसैँको अवसरमा आयोजित झिझिया नाच हेर्न गएका महतो मृत अबस्थामा भेटिएका हुन्। मेलामा राति झगडा भएको बेलामा भाग्ने क्रममा इनारमा झरेको हुन सक्ने स्थानीयले अनुमान गरेका छन्।

मेलामा राति दुई युवा समूहबीच विवाद भएको स्थानीय राम कृपाल यादवले जानकारी दिए। उनी गाउँकै जनता नमुना माध्यमिक विद्यालयका कक्षा ११ मा अध्ययरत रहेको बताइएको छ।

शव इनारबाट निकाल्ने प्रयास भइरहेको प्रहरीले जनाएको छ। घटनाबारे पनि अनुसन्धान भइरहेको जनाएको छ।

Facebook Comment


सम्बन्धित खवर

ताजा भिडियो