बलात्कारीलाई होइन पीडित महिलालाई जुत्ताको माला लगाएर बजार घुमाइयो (भिडियोसहित)
काठमाडौं। बलात्कारीलाई समाजले मिलेर चारपाटा मुडेर, कालोमोसो दलेर, जुत्ताको माला लगाएर बजार घुमाएका घटनाहरु हामीले देखेका छौं । यसलाई कानुनी नभइ सामाजिक न्यायको रुपमा विश्लेषण गर्ने पनि गरिएको छ र यस्तो सामाजिक न्यायलाई धेरैले स्वीकार पनि गर्ने गरेका छन् । तर, बलात्कार पीडित महिलालाई नै यसैगरी बेइज्जत गरेर बजार घुमाइयो भने के होला ?
सामाजिक संजालमा एउटा भिडियो भाइरल भइरहेको छ जुन भिडियोमा बलात्कारीलाई होइन पीडित महिलालाई यसैगरी अपमानित गरेर बजार घुमाइएको छ । यो क्रुर घटना भारतको राजधानी दिल्लीमा भएको हो । दिल्लीको विवेक विहारमा एक महिलाको कपाल काटियो, अनुहारमा कालोमोसो दलियो र जुत्ताको माला लगाएर बजार घुमाइयो । पीडित महिलाकी बहिनीको सूचनाका आधारमा पुलिस त्यहाँ पुगेर महिलाको उद्धार गरेको छ ।
कस्तूरबा नगर में 20 साल की लड़की का अवैध शराब बेचने वालों द्वारा गैंगरेप किया गया, उसे गंजा कर, चप्पल की माला पहना पूरे इलाक़े में मुँह काला करके घुमाया। मैं दिल्ली पुलिस को नोटिस जारी कर रही हूँ। सब अपराधी आदमी औरतों को अरेस्ट किया जाए और लड़की और उसके परिवार को सुरक्षा दी जाए। pic.twitter.com/4ExXufDaO3
— Swati Maliwal (@SwatiJaiHind) January 27, 2022
यो मामिलामा सामूहिक बलात्कारको मुद्दा दर्ता गरेर ४ जना महिलाहरुलाई पक्राउ गरिएको छ । पुलिसका अनुसार यी महिलासँग त्यहाँका केही व्यक्तिहरुको पुरानो रिस थियो । यही कारण यो घृणित काम गरियो । पीडित महिला विवाहित हुन् र उनको एउटा बच्चा पनि छ । महिलाकी बहिनीका अनुसार महिलाको छिमेकमा बस्ने एक युवक उनीसँग कुरा गर्न आइरहन्थे । यी युवकले १२ नोभेम्बरमा आत्महत्या गरे । युवकका परिवारलाई आत्महत्याको कारण यी महिला हुन् भन्ने लाग्थ्यो ।
यी महिलालाई अवैध रक्सी बेच्नेहरुले सामूहिक बलात्कार गरेको र अपमानित गरेको भन्दै दिल्ली महिला आयोगकी अध्यक्ष स्वाती मालिवालले दिल्ली पुलिसलाई अपराधीहरुलाई पक्राउ गर्न र पीडितको रक्षा गर्न नोटिस पठाएको बताएकी छिन् । स्वातीले ट्वीटरमा लेखेकी छिन् ‘कस्तुरबा नगरमा २० वर्षकी युवतीलाई अवैध रक्सी बेच्नेहरुले सामूहिक बलात्कार गरे । उनलाई कपाल खौरिएर, चप्पलको माला लगाएर पूरै क्षेत्रमा मुख कालो गरेर घुमाए । म दिल्ली पुलिसलाई नोटिस जारी गर्दैछु । सबै अपराधी पुरुष महिलाहरुलाई पक्राउ गरियोस् र युवती र उनको परिवारको सुरक्षा गरियोस् ।’
ये बेहद शर्मनाक है। अपराधियों की इतनी हिम्मत हो कैसे गई? केंद्रीय गृहमंत्री जी और उपराज्यपाल जी से मैं आग्रह करता हूँ कि पुलिस को सख़्त एक्शन लेने के निर्देश दें, क़ानून व्यवस्था पर ध्यान दें। दिल्लीवासी इस तरह के जघन्य अपराध और अपराधियों को किसी भी क़ीमत पर बर्दाश्त नहीं करेंगे। https://t.co/aAinx2Sbti
— Arvind Kejriwal (@ArvindKejriwal) January 27, 2022
यो घटनाका विषयमा दिल्लीका मुख्यमन्त्री अरविन्द केजरीवालले ट्वीट गर्दै यसलाई धेरै लज्जाजनक भनेका छन् । उनले लेखेका छन् ‘यो अत्यन्तै जल्लाजनक हो । अपराधीहरुको यति हिम्मत कसरी भयो ? केन्द्रीय गृहमन्त्री जी र उपराज्यपाल जीसँग म आग्रह गर्छु पुलिसलाई कडा एक्सन लिन निर्देशन दिनुहोस् । कानुन व्यवस्थामा ध्यान दिनुहोस् । दिल्लीवासी यस किसिमका जघन्य अपराध र अपराधीहरुलाई कुनै हालतमा सहन सक्दैनन् ।’
पुलिसले सबै सम्भावित कोणबाट घटनाको जाँच गरिरहेको छ । महला त्यहाँ भाडाको घरमा बस्थिन् । उनका काकाका अनुसार उनलाई चक्कु देखाएर उनकी भतिजीकहाँ लिएर गए । बुधबार करिब १२ बजे पीडित युवतीलाई कडकडडूमाबाट अपहरण गरेर ल्याए । सामूहिक बलात्कारपछि उनको सबै कपाल काटियो, अनुहारमा कालो पोतियो र जुत्ताको माला लगाएर गल्लीमा घुमाइयो ।
Facebook Comment