काठमाडौं। नेपालमा अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) पारित गर्ने वा नगर्ने भन्ने विषयमा दलहरुबीच विवाद चर्किएका बेला अमेरिका सरकारले एमसीसीमा नयाँ प्रमुख कार्यकारी अधिकृत (सीइओ) नियुक्त गरेको छ । अमेरिकी संसदको माथिल्लो सदन सिनेटले एलिस अल्ब्राइटलाई एमसीसीको सीइओ नियुक्त गर्ने प्रस्ताव अनुमोदन गरेको हो ।

यसअघि गएको अगष्ट ६ मा अमेरिकी राष्ट्रपति जो बाइडेनले १० फरक फरक पदमा नियुक्तिका लागि १० जनाको मनोनयन गरेका थिए । त्यतिबेलै बाइडेनले एलिस अल्ब्राइटलाई एमसीसीको प्रमुख कार्यकारीको रुपमा नियुक्तिका लागि मनोनयन गरेका थिए । एमसीसीले आफ्नो आधिकारिक वक्तव्यमा जनाएअनुसार सिनेटमा भएको मतदानमा सर्वसम्मतिले अल्ब्राइटलाई नियुक्त गर्ने निर्णय भएको हो ।