काठमाडौं। हाम्रो नेपाल हामी नेपाली अभियानका अभियान्त ज्ञानेन्द्र शाही राष्ट्रिय प्रजातन्त्र पार्टी(राप्रपा) प्रवेश गरेसंगै प्रवासी नेपाली एकता समाज अन्तर्राष्ट्रिय समन्वय समिति (आइसीसी) को समिति पनि राप्रपाको नीति, विचार र सिद्धान्तलाई आत्मसाथ गर्दै अगाडि बढ्ने निर्णय गरेको छ । समितिका अध्यक्ष प्रेमकुमार श्रेष्ठको अध्यक्षतामा बसेको वैठकले सो निर्णय गरेको हो ।
विज्ञप्ती

प्रवासी नेपाली एकता समाज अन्तर्राष्ट्रिय समन्वय समिति (आइसीसी) को अध्यक्ष प्रेमकुमार श्रेष्ठको अध्यक्षतामा बसेको वैठकले निम्न निर्णय गरेको छ ।

१.राजसंस्था र हिन्दु राष्ट्रको पुनःस्थापना लगायतका राष्ट्रिय प्रजातन्त्र पार्टीको नीति, विचार र सिद्धान्त प्रति प्रवास आइसीसीको अविचलित प्रतिबद्धता रहेको छ । सिद्धान्तबाट विचलित भएर लक्ष्यमा पुग्न सकिदैन भन्नेमा प्रवास आइसीसी प्रष्ट छ । प्रवास आइसीसी पार्टीभित्र सामान्य असहमति देखिनासाथ टुटफुट, विभाजनमा गइहाल्ने प्रवृत्तिलाइ निरुत्साहित गरिनुपर्ने पक्षमा रहेकाले पार्टीको मुलधारमा रहने प्रतिवद्धता व्यक्त गर्दछ । साथै पार्टीले उचाइ हासिल गर्दै गएको, पार्टीको एजेण्डा लोकप्रिय बन्दै गएको र राप्रपा प्रति आम जनताको आकर्षण बढिरहेको समयमा अलमल र द्विविधामा नपर्न प्रवास आइसिसी स्वदेश तथा विदेशमा रहेका पार्टीका सबै तहका साथीहरूलाई अनुरोध समेत गर्दछ ।

२.ज्ञानेन्द्र शाहीको नेतृत्वमा रहेको हाम्रो नेपाल हामी नेपाली अभियान औपचारिक रुपमा राप्रपामा समायोजन भएकाले प्रवासी नेपाली एकता समाजको अन्तर्राष्ट्रिय तथा राष्ट्रिय समितिहरूमा उक्त अभियानलाई समाहित गर्ने निर्णय गरेको छ ।

प्रेमकुमार श्रेष्ठ
प्रवासी नेपाली एकता समाज
अन्तर्राष्ट्रिय समन्वय समिति ।