काठमाडौं। रुस र युक्रेनबीच जारी विवाद र युद्धमा चीन मध्यस्थता गर्नको लागि तयार भएको छ । चीनका विदेशमन्त्री वांग यीले यो विवादमा चीन ‘जरुरी मध्यस्थता’ गर्नको लागि तयार भएको बताएका छन् । चीनका विदेशमन्त्रीको यो बयान युक्रेन र रुसबीच तेस्रो चरणको वार्ता सुरु हुनुभन्दा ठिक पहिले आएको हो ।

चीनका विदेशमन्त्रीले युक्रेन संकट समाधान गर्नको लागि चीनले हरेक किसिमको कोसिस गर्ने बताएका छन् । उनले चीनको रेडक्रसले छिटै युक्रेनमा सहायता पठाउन लागेको बताएका छन् । उनले रुससँग चीनको मित्रता अहिले पनि चट्टानजस्तै बलियो रहेको बताएका छन् ।

#China will make active efforts to resolve the conflict in #Ukraine, said China’s Foreign Minister.

The #Chinese Red Cross will soon provide assistance to Ukraine. In addition, China hopes that #Russia and Ukraine will make progress in the third round of negotiations. pic.twitter.com/ol17ksC5kW

— NEXTA (@nexta_tv) March 7, 2022

नेपाली समयअनुसार आज बेलुकी पौने ६ बजे रुस र युक्रेनबीच तेस्रो चरणको वार्ता सुरु हुँदैछ । यसको ठिक अगाडि चीनका विदेशमन्त्रीले मध्यस्थताको लागि तयार रहेको बयान दिएका हुन् । यो वार्ताभन्दा अगाडि रुसले युक्रेनमा राजधानी किभसहित ४ ठूला सहरहरुमा युद्धबिरामको घोषणा गरेको छ ।