काठमाडौं । पाकिस्तानमा लामो समयदेखि चलेको राजनीतिक उथलपुथलपछि प्रधानमन्त्री इमरान खानविरुद्ध ल्याइएको अविश्वासको प्रस्तावमाथिको मतदानका लागि शनिबार राष्ट्रिय सभाको अधिवेशन सुरु भएको छ ।

सभामुख असद कैसरले बैठक सञ्चालन गर्दैछन् । आइतबार प्रस्ताव अस्वीकृत हुँदा उपसभामुख कासिम सुरीले सदनको कारवाही चलाउँदै थिए ।

बिहीबार, पाकिस्तानको सर्वोच्च अदालतले नेशनल एसेम्बलीको निर्णयलाई उल्टाएको छ जसमा विपक्षीहरूले इमरान खानविरुद्ध ल्याइएको अविश्वासको प्रस्तावलाई उपसभामुखले संविधानको धारा ५ को हवाला दिँदै खारेज गरेका थिए।

त्यसपछि प्रधानमन्त्री इमरान खानको सिफारिसमा देशका राष्ट्रपतिले राष्ट्रिय सभा विघटन गरेर ९० दिनभित्र देशमा चुनाव गराउने घोषणा गरेका थिए ।

भोटिङको ठीक एक दिन अघि शुक्रबार, इमरान खानले देशका जनतालाई सम्बोधन गर्दै, विपक्षीहरूले ‘विदेशी शक्तिहरूसँग मिलेर’ आफ्नो विरुद्ध षड्यन्त्र गरिरहेको दाबी गरे।