काठमाडौं । करिब साढे १३ हजार फिटको उचाइबाट खसेर पनि एक महिलाले मृत्युलाई पराजित गरिन् । यति उचाइबाट खसेर पनि चमत्कारी ढंगले बाँचेकी यी ३५ वर्षीया महिलाको नाम हो जोर्डन ह्याटमेकर । जोर्डन भर्जिनियाकी हुन् र स्काइडाइभर हुन्।

‘द सन’का अनुसार एक महिना अस्पतालमा भर्ना भएपछि उनी अब फेरि स्काइडाइभिङका लागि तयार छन् । हालै उनले आफूसँग भएको दुर्घटनाको बारेमा बताएकी छिन् । यो सबै ३० सेकेन्डमा भएको जोर्डनले बताएकी छिन् । उनी करिब साढे १३ हजार फिटको उचाइबाट हाम फालेकी थिइन् ।

तर उनले प्यारासुट खोल्न खोज्दा उनको खुट्टामा प्यारासुट अड्किएको भेटियो । यसपछि उनी करिब २०० किलोमिटर प्रति घन्टाको गतिमा जमिनतिर खस्न थालिन् । केही सेकेन्डमा, जोर्डन आकाशबाट खसिन् र पीडाले कराउन थालिन्। उनी अब बाँच्दिन भन्नेमा ढुक्क थिइन् । तर नियतिको केही अन्य योजना थियो।

जोर्डनका अनुसार भुइँमा खस्नेबित्तिकै उनको खुट्टा भाँचियो, खुट्टामा पनि चोट लागेको थियो । उनको मेरुदण्ड पनि भाँचिएको थियो । उनी भन्छिन्, ‘मेरो शरिरको सायदै यस्तो कुनै अंग होला जुन बिग्रिएको छैन । तर यति उचाइबाट खसेपछि पनि उनी होशमा थिइन् र त्यो पीडा महसुस गरिरहेकी थिइन् ।

यो दुर्घटनापछि जोर्डन करिब २५ दिनसम्म अस्पतालमा बसिन् । उनलाई आफ्नो खुट्टामा फर्किन तीन महिना लाग्यो । हाल उनी ठीक छिन् र पूर्ण निको हुने प्रतीक्षामा छिन्। जोर्डन भन्छिन् कि स्काइडाइभिङ उनको सपना हो र उसले छोड्न सक्दिनन्। चाँडै उनी फेरि आकाशबाट हामफाल्न चाहन्छिन्।