इमरान खान गएपछि पाकिस्तानको शेयर बजारमा भारी वृद्धि
काठमाडौं । पाकिस्तानमा पूर्वप्रधानमन्त्री इमरान खानविरुद्धको अविश्वासको प्रस्ताव सफल भएपछि कारोबारको पहिलो दिन पाकिस्तान स्टक एक्सचेन्जमा उछाल आएको छ ।
केएसई (कराची स्टक एक्सचेन्ज) १०० परिसूचक हालसम्म १४०० अंकले बढेको छ भने लगानीकर्ताले किनबेच गर्ने प्रवृत्ति देखिएको छ ।
धितोपत्र दलालका अनुसार मुलुकको पछिल्लो राजनीतिक अवस्थाले सेयर बजारमा सकारात्मक मोड लिएको छ ।
योसँगै डलरको तुलनामा रुपैयाँ पनि बलियो बन्दै गएको छ र कारोबारको सुरुमै डलरको भाउ १.८३ रुपैयाँले घटेको छ ।
प्रतिक्रिया
Facebook Comment