काठमाडौं । अमेरिकी पूर्व राष्ट्रपति डोनाल्ड ट्रम्पले सोमबार सामाजिक सञ्जाल ट्विटरमा नफर्किने बताएका छन् । उनले एलन मस्कले अब उनको ट्विटर खाताबाट प्रतिबन्ध हटाए पनि यसमा नफर्किने घोषणा गरेका हुन् । ट्रम्पले फक्स न्यूजलाई भनेअनुसार उनी आउँदो सात दिनमा औपचारिक रूपमा आफ्नै ट्रुथ सोशल स्टार्टअपमा सामेल हुनेछन्।

ट्रम्पले फक्स न्यूजलाई भने, “म ट्विटरमा जाने छैन, म ट्रुथमै रहने छु। “मलाई आशा छ कि एलनले ट्विटर किन्नेछन् र उनले यसलाई सुधार पनि गर्नेछन्। उनी एक राम्रो व्यक्ति छन् तर म ट्रुथमा अडिग रहनेछु।’ एलोन मस्कले ट्विटर किनिसकेका छन्।

पूर्व अमेरिकी राष्ट्रपति डोनाल्ड ट्रम्पले आफ्नै सोशल मिडिया उद्यम ट्रुथ सोशल सुरु गरेका थिए । हाल यसलाई एप्पल एप स्टोरबाट डाउनलोड गर्न सकिन्छ। रिपोर्टका अनुसार यो एप परीक्षण चरणमा आमन्त्रित भएका प्रयोगकर्ताहरूका लागि उपलब्ध छ। पूर्व अमेरिकी राष्ट्रपति डोनाल्ड ट्रम्पलाई ट्वीटर, फेसबुक र युट्युबले प्रतिबन्ध लगाएका छन् ।

ट्रुथ सोशलको मूल कम्पनी ट्रम्प मिडिया र टेक्नोलोजी समूह हो। डेभिन नुनेसले यसको जिम्मेवारी सम्हाल्दै छन् । एक विज्ञप्तिमा नुनेसले भने, ‘यस हप्ता हामी एप्पल एप स्टोरमा एप रोलआउट गर्दैछौं। यो राम्रो हुन गइरहेको छ किनभने त्यहाँ धेरै मानिसहरू यस प्लेटफर्ममा सामेल हुन गइरहेका छन्।’ हाल यो एपको भर्सन १.० रहेको उनले बताए ।