काठमाडौं । एकजना पुरुषले आफ्नी प्रेमिकालाई घुँडा टेकेर बिहेको प्रस्ताव राखेका थिए । तर पछि केही यस्तो भयो कि उनको प्रपोज गर्ने सपना चकनाचुर भयो । ती व्यक्तिले आफ्नी प्रेमिकालाई हिराको औंठी लगाएर प्रपोज गर्न लागेका थिए । यस घटनाको भिडियो सार्वजनिक भएको छ, जुन सामाजिक सञ्जालमा चर्चामा छ ।

वास्तवमा, यो घटना पेरिसको डिज्नील्याण्डको हो, जहाँ एक जोडी घुम्न गएका थिए। यसै क्रममा ती व्यक्तिले हिराको औंठी निकालेर घुँडा टेकेर बसेर प्रेमिकालाई प्रपोज गर्न थाले । तर त्यहाँ उपस्थित एक कर्मचारीलाई यो मन परेन र उनले उक्त व्यक्तिको हातबाट औंठी खोसे ।

भाइरल भइरहेको भिडियोमा सेतो टी-सर्ट लगाएका एक व्यक्तिले डिज्नील्याण्डको अगाडि आफ्नी प्रेमिकालाई प्रपोज गर्न घुँडा टेकेको देख्न सकिन्छ । उसको हातमा औंठीको बक्स छ । तर उनले प्रेमिकालाई प्रस्ताव राख्नु अघि एक कर्मचारी देखा पर्छन्।

Disneyland Paris apologizes after employee ruins wedding proposal:

“We regret how this was handled. We have apologized to the couple involved and offered to make it right.” pic.twitter.com/J4hlnieVJ3

— Pop Crave (@PopCrave) June 4, 2022

यी डिज्नील्याण्ड कर्मचारीले पहिले व्यक्तिबाट औंठी खोस्छन् र त्यसपछि उनीहरूलाई डिज्नील्याण्डको अगाडि सिँढीहरू तल जान बाध्य पार्छन्। आफू उभिएको ठाउँमा प्रस्ताव गर्न नसक्ने उनको भनाइ छ ।

यो घटनाको भिडियो सार्वजनिक भएपछि मानिसहरुले कर्मचारीको आलोचना गरिरहेका छन् । मानिसहरूले दम्पतीले कुनै नराम्रो काम नगरेको तर पनि उनीहरूलाई डिज्नील्याण्डका कर्मचारीहरूले नराम्रो व्यवहार गरेको बताए। यसैबीच, विवाद बढ्दै गएपछि डिज्नील्याण्ड पेरिसको तर्फबाट माफी मागिएको छ।

@PopCrave नामका एक प्रयोगकर्ताले यस घटनाको भिडियो ट्विटरमा सेयर गरेका छन्, जसलाई ५ लाखभन्दा बढी पटक हेरिएको छ । यसप्रति जनताले चर्को प्रतिक्रिया दिएका छन् ।