काठमाडौं । बिहे भएको केही घण्टा नबित्दै बेहुलाले बेहुलीमाथि आक्रमण गरेका छन् । त्यसपछि प्रहरीले उनलाई विवाह समारोहकै क्रममा पक्राउ गरेको थियो । बेहुलाले हिंसात्मक रुप लिएपछि बेहुलीको तर्फबाट प्रहरी बोलाइएको थियो । यो विवाहमा पाहुनालाई धेरै रक्सी खुवाइएको बताइएको छ ।

वास्तवमा, बेलायती दम्पती छुट्टी मनाउन स्पेन गएका थिए। त्यहाँ उनीहरुले बिहे गर्ने योजना बनाएका थिए । विवाहको केही घण्टापछि नै बेहुलाले पार्टीमा हिंसात्मक रुप लिएर नवविवाहित श्रीमतीमाथि आक्रमण गरेको आरोप छ ।

‘द मिरर’का अनुसार घटना शुक्रबार राति ९ बजे भएको हो । बिहेपछि पार्टी चलिरहेको थियो । पार्टीमा पाहुनालाई पेय पदार्थ दिइयो। मानिसहरु नाचगान गर्दै थिए । त्यसपछि अचानक बेहुला रिसाए र बेहुलीलाई कुटपिट गरे । बेहुलालाई हिंसक भएको देखेर प्रहरी बोलाइएको थियो ।

सोही क्रममा बेहुलीले प्रहरी नपुग्दै पार्टी छाडेकी थिइन् । बिहेमा प्रहरी पुगेपछि बेहुलालाई नियन्त्रण गर्ने प्रयास गरेपनि नियन्त्रणमा आउन सकेका थिएनन् । यस्तो अवस्थामा प्रहरीले उनलाई पक्राउ गरेर पार्टीबाट बाहिर निकाल्नुपर्‍यो ।

वास्तवमा, बेहुली पार्टीबाट बेपत्ता भएपछि प्रहरीले उनलाई सोधपुछ गर्न खोजेको थियो। तर दुलही केही बेरमै फेरि पार्टीमा आइन् । तर, त्यतिन्जेल प्रहरीले बेहुलालाई पक्राउ गरी आफूसँगै लगेको थियो । बेहुली र पाहुनाले दुलहालाई बचाउने प्रयास गरे वा गरेनन् भन्ने कुरा बताइएको छैन।