काठमाडौं । डोमिनिकन रिपब्लिक अफ नर्थ अमेरिकाका क्याबिनेट मन्त्रीको गोली हानी हत्या गरिएको छ। हत्यारा मन्त्रीका नजिकका साथी भएको बताइएको छ, जसले कार्यालयमा प्रवेश गरी मन्त्रीमाथि गोली प्रहार गरेका हुन् । उनलाई घटनास्थल नजिकैबाट पक्राउ गरिएको छ ।

अधिकारीहरूले मृतक डोमिनिकन गणतन्त्रका वातावरण र प्राकृतिक संसाधन मन्त्री ५५ वर्षीय ओर्लान्डो जर्ज मेरा रहेको बताएका छन्। ओर्ल्यान्डो आफ्नो अफिस र बैठकमा उपस्थित हुँदा त्यही समयमा उनीमाथि आक्रमण भएको थियो ।

राष्ट्रपतिका प्रवक्ताले आक्रमणकारीलाई मिगुएल क्रुजको रूपमा पहिचान गरे र उनी मन्त्री ओर्लान्डोको बाल्यकालको साथी भएको बताए। मिगुएलले करिब छवटा गोली प्रहार गरे। गोली लागेर ओर्ल्यान्डोको घटनास्थलमै मृत्यु भएको थियो ।

हाल, मिगुएललाई हिरासतमा लिइएको छ। प्रारम्भिक सोधपुछमा गोली चलाउनुको कारण खुल्न सकेको छैन ।

यसै क्रममा मृतक ओर्ल्यान्डो जर्जको परिवारका एक व्यक्तिले आफूलाई बाल्यकालको साथी भएको व्यक्तिले धेरै पटक गोली हानेको बताएका छन् । यद्यपि, हामी अझै पनि उनलाई क्षमा गर्छौं, किनभने मानिसहरूलाई क्षमा गर्नु ओर्लान्डोको सबैभन्दा ठूलो विशेषता थियो। ओर्लान्डोका श्रीमती र दुई छोरा छन्।

ओर्लान्डो जर्ज मेराले जुलाई २०२० मा सत्तामा आएपछि राष्ट्रपति लुइस अबिनाडरको प्रशासनमा काम गरेका थिए। एक ट्वीटमा, राष्ट्रपति अबिनाडोरले ओर्लान्डोको मृत्युको परिवारमा गहिरो समवेदना प्रकट गरे र आफ्नो असल साथीको मृत्युबाट आफूलाई गहिरो दुःख लागेको बताए।

अर्कोतर्फ, अन्य सरकारका मन्त्रीहरूले ओर्ल्यान्डो हत्यालाई दुःखद घटना भन्दै सामाजिक सञ्जालमार्फत शान्ति कायम गर्न मानिसहरूलाई अपील गरेका छन्।