काठमाडौं । २६ वर्षीया युवतीका प्रेमी ‘बेपत्ता’ भए । धेरै दिन बितिसक्दा पनि प्रेमी नभेटेपछि युवती चिन्तित हुन थालिन् । उनले आफ्नो प्रेमी खोज्न फेसबुकको सहारा लिइन्। तर वास्तविकता सार्वजनिक भएपछि युवतीको होश उड्यो । उनले आफैंले आफ्नो कथा सेयर गरेकी छिन् ।

‘द सन’को रिपोर्टका अनुसार युवतीको नाम रचेल वाटर्स हो । रचेलल अमेरिकामा जन्मिए पनि हाल चीनमा बस्दै आएकी छिन् । हालै उनले आफ्नो फेसबुक पोस्टमा आफ्ना प्रेमी पल मेगी बेलायत भ्रमणमा गएको बताएकी छिन् । तर धेरै दिन बितिसक्दा पनि न त फर्किए न त सन्देश नै पठाए ।

यस्तो अवस्थामा ४० वर्षीय पलको खोजीमा रचेलले फेसबुकमार्फत आफ्ना साथीहरूसँग सम्पर्क गरेकी थिइन् । यसैबीच, रचेललले पल विवाहित रहेको र उनका छोराछोरीहरू समेत छन् भन्ने थाहा पाउँछिन्। उनी परिवारसहित बेलायतमा बस्दै आएका छन् । यो थाहा पाएर रचेलको होस उड्यो ।

जसको लागि आफू यति चिन्तित छिन् उसले आफूलाई धोका दिइरहेको छ भन्ने उनले पत्याउन सकिनन् । वास्तविकता थाहा पाएपछि रचेलले आफ्नो फेसबुक पोस्ट हटाइन्, जसमा उनले पलको बारेमा जानकारी मागेकी थिइन् । रचेल एक पेशेवर भलिबल खेलाडी हुन्।

रिपोर्टका अनुसार कोरोनाका कारण चीनको शेन्जेनमा लकडाउन जारी हुँदा पल त्यहाँ फसेका थिए । यस अवधिमा उनी रचेलसँग नजिकिए र दुवै सम्बन्धमा आए । तर, लकडाउन खुलेको केही दिनपछि पल आफ्नो देश बेलायत गए र फर्किएनन् । अहिलेको लागि, रचेलले पनि आफ्नो जीवनलाई अगाडि बढाउने निर्णय गरेकी छिन् ।