काठमाडौं । आकाशमा उडिरहेको विमानमा एक जोडीको प्रेम प्रस्तावको भिडियो सामाजिक सञ्जालमा भाइरल भइरहेको छ । भिडियोमा एक महिला फ्लाइट अटेन्डेन्टले घुँडा टेकेर आफ्नी पाइलट प्रेमिकालाई प्रपोज गरिरहेकी छिन् । प्रयोगकर्ताहरूले यसलाई लभ इज इन द एयर भनेका छन्।

एयर होस्टेसको नाम भेरोनिका रोजास हो र उनले आफ्नी पाइलट प्रेमिका अलेजान्ड्रा मोन्कायोलाई ३० हजार फिटको उचाइमा प्रपोज गरेकी थिइन् । दुवै अलास्का एयरलाइन्सको उडानमा थिए। यो उडान सान फ्रान्सिस्कोबाट लस एन्जलस जाँदै थियो।

भेरोनिका र एलेजान्ड्रा दुई वर्षअघि उडानमा भेटेका थिए। केही भेटघाटपछि दुवै युवती एकअर्काको प्रेममा परे र अहिले उनीहरुले एक अर्कालाई रोचक तरिकाले प्रपोज गरेका छन् । भेरोनिका र अलेजान्ड्रा एकअर्कालाई औंठी लगाइदिन्छन् र सँगै हुने वाचा गर्छन्।

अलास्का एयरलाइन्सले नै यो जोडीको प्रस्तावको भिडियो सेयर गरेको छ । भिडियोमा भेरोनिका र एलेजान्ड्रालाई इन-फ्लाइट घोषणाहरू मार्फत एकअर्कालाई प्रपोज गरेको देख्न सकिन्छ। भेरोनिकाले अन्य चालक दलका सदस्यहरूको अगाडि घुँडा टेकेर एलेजान्ड्रालाई प्रस्ताव राखिन्। यस क्रममा मानिसहरूले जोडीलाई ताली बजाउँदै र हर्षोल्लास गरिरहेको देख्न सकिन्छ।

भेरोनिका र एलेजान्ड्रा दुबै एलजीबीटीक्यु समुदायका हुन्। त्यसैले उनीहरीले प्रस्तावका लागि प्राइड महिना रोजे। प्राइउ महिना समलिङ्गी, ट्रान्सजेन्डर र विचित्र व्यक्तिहरूको एक महिना लामो चाड हो।