अर्बपतिको १ छाक खानाको मूल्य २ अर्ब ३७ करोड रुपैयाँ ! – Dcnepal

अर्बपतिको १ छाक खानाको मूल्य २ अर्ब ३७ करोड रुपैयाँ !

काठमाडौं । एक अनुभवी लगानीकर्ता र विश्वका धनी व्यक्तिहरू मध्ये एक वारेन बफेट आफ्नो परोपकारका लागि परिचित छन्। परोपकारको कामलाई अगाडि बढाउन हरेक वर्ष आयोजना गर्ने उनको वार्षिक बफेट पावर लंच सधैं हेडलाइनमा रहन्छ।

यस वर्ष बफेट अन्तिम पटक पावर लन्चमा सहभागी हुँदैछन् र यो अन्तिम कार्यक्रमले अनौठो रेकर्ड बनाएको छ। वास्तवमा, एक अज्ञात बोलीकर्ताले बफेटसँग लन्च गर्न लगभग २ अर्ब ३७ करोड रूपैयाँको बोली लगाएका छन् ।

इबे र ग्लाइड फाउन्डेशनले संयुक्त रूपमा बफेट पावर लन्चको लागि लिलामी आयोजना गरेका हुन् । यस लिलामीमा प्रारम्भिक बोली २५ हजार डलर अर्थात करिब ३१ लाख रुपैयाँ थियो । जून १२ बाट सुरु भएको यस लिलामीमा जून १७ मा एक अज्ञात बोलपत्रदाताले १९,०००,१०० डलर वा करिब # अर्ब ३७ करोड रुपैयाँको बोली लगाएका छन् ।

यो उच्चतम बोली साबित भयो। यो कुनै पनि वर्षमा बफेट पावर लंचको लागि प्राप्त भएको सबैभन्दा ठूलो बोली हो। एक हिसाबले यो किर्तिमान बनेको छ जुन कहिल्यै तोडिने छैन किनभने यो आधिकारिक रूपमा दिग्गज लगानीकर्ताको अन्तिम पावर लंच हो।

विगत २१ वर्षदेखि आयोजना हुँदै आएको यस वार्षिक कार्यक्रममा अहिलेसम्मको सबैभन्दा सानो सफल बोली २५ हजार डलर रहेको छ । कोरोना महामारीका कारण सन् २०२० र २०२१ मा बफेट पावर लंच आयोजना गरिएको थिएन।

यसअघि सन् २०१९ मा अन्तिम कार्यक्रम आयोजना गर्दा सबैभन्दा ठूलो बोली ४.५ मिलियन डलर अर्थात करिब ५६ करोड रुपैयाँ थियो। यसरी यसपटकको बोली अघिल्लो कीर्तिमानभन्दा चार गुणा बढी हो । सन् २०१९ मा क्रिप्टोकरेन्सीबाट अर्बपति बनेका व्यापारी जस्टिन सनले सबैभन्दा ठूलो बोली लगाएका थिए ।

गत १८ वर्षदेखि इबेले बफेट पाव लंच लिलामी सञ्चालन गर्दै आएको छ। इबेका सीईओ जेमी लेननले एक विज्ञप्तिमा भने: “वारेन बफेटको अन्तिम पावर लंचले सबै समयको कोष सङ्कलनको रेकर्डलाई तोडेको घोषणा गर्न पाउँदा हामी गर्व गर्छौं।’

उनले अगाडि भने ‘लिलामीबाट प्राप्त सम्पूर्ण आम्दानी मानिसहरूलाई समस्याबाट बाहिर ल्याउन र उनीहरूको जीवन परिवर्तन गर्न ग्लाइडको प्रयासहरूमा जानेछ। यसबारे बफेटले भने, ‘यो केही होइन… तर राम्रो छ। म संसारभरका धेरै चाखलाग्दो मानिसहरूलाई भेटिरहन्छु। मैले एउटा कुरामा समानता पाएको छु कि सबैलाई लाग्छ कि पैसा राम्रो काममा खर्च हुन्छ।’

Facebook Comment


सम्बन्धित खवर

ताजा भिडियो