एलन मस्कका छोरा लिंग फेरेर छोरी बनिन्, पितासँग सबै सम्बन्ध अन्त्य गर्न अदालतमा निवेदन दिइन् – Dcnepal

एलन मस्कका छोरा लिंग फेरेर छोरी बनिन्, पितासँग सबै सम्बन्ध अन्त्य गर्न अदालतमा निवेदन दिइन्

काठमाडौं । स्पेसएक्सका मालिक र टेस्लाका सीईओ एलोन मस्ककी ट्रान्सजेन्डर छोरीले आफ्नो नयाँ पहिचान अनुरूप आफ्नो नाम परिवर्तन गर्न अनुरोध गरेकी छिन्। यतिमात्र होइन उनले भलेकी छिन् ‘म अब कुनै पनि हालतमा आफ्नो जैविक बुवासँग बस्न र उहाँसँग कुनै सम्बन्ध राख्न चाहन्नँ ।’

नाम परिवर्तन गर्न र उनको नयाँ पहिचान देखाउने नयाँ जन्म प्रमाणपत्रको लागि निवेदन अप्रिलमा सान्ता मोनिकाको लस एन्जलस काउन्टी सुपीरियर कोर्टमा दायर गरिएको थियो। PlainSite.org मा उपलब्ध अदालत कागजातहरू अनुसार हालै १८ वर्ष पुगेका एलोन मस्कका छोरा जेभियर अलेक्जेन्डर मस्कले आफ्नो लिङ्ग परिवर्तन गरेका छन्। उनी पुरुषबाट महिला बनेका छन् । उनले आफ्नो लैङ्गिक पहिचानलाई महिलामा परिवर्तन गरी नयाँ नाम दर्ता गराउन आवेदन दिएका छन् ।

उनको नयाँ नाम अनलाइन कागजातमा परिवर्तन गरिएको थियो। उनकी आमा जस्टिन विल्सन हुन्, जसले २००८ मा एलोन मस्कसँग सम्बन्ध विच्छेद गरेकी थिइन् । मस्कका वकिल र टेस्ला मिडिया अफिसले यस विषयमा कुनै टिप्पणी गरेका छैनन्।

नाम र लिङ्ग परिवर्तन याचिका दायर भएको करिब एक महिनापछि मस्कले मे महिनामा रिपब्लिकन पार्टीलाई आफ्नो समर्थन घोषणा गरेका थिए। पार्टीका निर्वाचित प्रतिनिधिहरूले देशभरका राज्यहरूमा ट्रान्सजेन्डर अधिकारहरू सीमित गर्ने कानूनलाई समर्थन गर्छन्।

मस्कले २०२० मा ट्रान्सजेन्डरहरूको पक्षमा ट्वीट पनि गरेका थिए। जसमा उनले ट्रान्सलाई समर्थन गरेको स्पष्ट रुपमा भनेका छन् ।

Facebook Comment


सम्बन्धित खवर

ताजा भिडियो