काठमाडौं । रुसको अर्को छिमेकी देशसँग पनि तनाव बढेको छ । यो देशको नाम लिथुआनिया हो। लिथुआनियाले रुसको कालिनिनग्रादसम्म रेलमार्फत जाने सामानमा प्रतिबन्ध लगाएको छ । यसपछि रुसले यस्तो गरेमा लिथुआनियालाई यस्तो जवाफ दिइने चेतावनी दिएको छ, जसले त्यहाँका जनतालाई पीडा दिनेछ । यसको जवाफमा लिथुआनियाले पनि आफू यसका लागि तयार रहेको बताएको छ ।

युक्रेनसँग ४ महिनादेखि युद्ध भइरहेको बेला रुसले लिथुआनियालाई पनि चेतावनी दिएको छ । लिथुआनिया एउटा सानो देश हो, जसको जनसंख्या जम्मा २८ लाख छ। यो देशमा १६ हजार मात्रै सेना छन् । जबकि रुसमा १० लाखभन्दा बढी सक्रिय सैनिक छन् ।

लिथुआनिया कुनै समय सोभियत संघको हिस्सा थियो। सन् १९९१ मा सोभियत संघको विघटनपछि लिथुआनिया छुट्टै राष्ट्र बनेको थियो । २००४ मा, लिथुआनिया सैन्य संगठन नेटोमा सामेल भयो। नेटो अर्थात उत्तर अटलान्टिक सन्धि संगठनको स्थापना सन् १९४९ मा भएको थियो । अमेरिका यसको नेतृत्व गर्दछ। हाल नेटोमा ३० देशहरू समावेश छन्।

कालिनिनग्राद स्यान्डविच जस्तै हो। यसको एकातिर पोल्याण्ड र अर्कोतिर लिथुआनिया छ। पोल्याण्ड र लिथुआनिया दुवै नेटोका सदस्य हुन्। कालिनिनग्रादमा जे पनि आपूर्ति गरिन्छ, यो लिथुआनियाबाटै रेलमार्फत हुन्छ। लिथुआनियाले अब यो आपूर्ति बन्द गरेको छ।

हालै लिथुआनियाले रुस जाने रेल रोकेको छ । युरोपियन युनियनको प्रतिबन्धका कारण आफूले यस्तो गरेको उसले बताएको छ । लिथुआनियाले ईयू प्रतिबन्ध नियमहरूलाई उद्धृत गर्दै, कालिनिनग्रादबाट सामानहरूमा प्रतिबन्ध लगाएको छ।

यसबाट रुस आक्रोशित छ । समाचार एजेन्सीका अनुसार रुसको सुरक्षा परिषद्का सचिव निकोलाई पेत्रुसेभले यस्तो जवाफ दिने बताएका छन्, जसले लिथुआनियाका जनतामा गलत प्रभाव पार्ने छ । यद्यपि, मस्कोमा युरोपेली संघका राजदूतले रुसले यस्तो बयानबाजीबाट जोगिनु पर्ने बताए।

यसैबीच, लिथुआनियाका राष्ट्रपति गितानास नौसेदाले रुसको प्रतिकारका लागि आफू तयार रहेको बताएका छन् । यद्यपि, उनले यो पनि भने कि उनी नेटोको सदस्य भएकाले रुसले आफ्नो विरुद्धमा कुनै सैन्य कारबाही गर्छ भन्ने लाग्दैन। उनले केही साताभित्रै नेटोको शिखर सम्मेलन हुने र त्यसमा रुससँगै रहेका सदस्य राष्ट्रहरूमा सेना बढाउने वा नबढाउने भन्ने निर्णय हुने बताए ।

नौसेदाले रुसको समस्या समाधानका लागि के–कस्ता उपाय र चेतावनी अपनाउने भनेर यस्तो शिखर सम्मेलन बोलाउनु आफ्नो गल्ती नहुने बताए । उनले लिथुआनियाले कालिनिनग्राद पुग्ने सामानमा थप प्रतिबन्ध लगाउने चेतावनी पनि दिए। लिथुआनिया अझै पनि ऊर्जा आपूर्तिको लागी रूसमा धेरै निर्भर छ।