काठमाडौं । के तपाई पनि सोच्नुहुन्छ कि स्मार्टफोनहरू बोरिङ हुँदैछन् ? नवीनताको नाममा डिजाइनमा केही नयाँ देखिँदैन । वा जे नयाँ भइरहेको छ त्यसमा खास केही छैन ? धेरैको विचार यही हो। यदि तपाइँ पनि यस्तै सोच्नुहुन्छ भने, हामी तपाइँको लागि विशेष मोबाइल फोन ब्रान्डको विवरण ल्याएका छौं।

टेक्नोलोजीको नाममा, तपाईले यस ब्रान्डका उपकरणहरूमा सायद केहि नयाँ फेला पार्न सक्नुहुन्न। तर डिजाइनको सन्दर्भमा, यी फोनहरूले तपाईंलाई निकै फरक महसुस गराउनेछन् । डिजाइनसँगै यसको मूल्यले पनि तपाइँको होश उडाउनेछ।

एप्पललाई महँगो ब्रान्ड ठान्ने ती व्यक्तिहरु मध्ये एक हुनुहुन्छ भने आज तपाईको सोच परिवर्तन हुनेछ । यस ब्रान्डको नाम भर्टु हो र यसको सबैभन्दा सस्तो फोन पनि एप्पलको पछिल्लो फोनको मूल्य बराबर छ ।

कम्पनीको सबैभन्दा सस्तो फोन किप्याड डिभाइस हो, जसको प्रारम्भिक मूल्य ६४ हजार भारतीय रुपैयाँमा उपलब्ध छ । हामी भर्टु सिग्नेचर गोल्ड मोबाइल फोनको बारेमा कुरा गर्दैछौं । यसको ब्ल्याक लेदर एडिसनको मूल्य ६४ हजार भारतीय रुपैयाँ (नेपाली १ लाखभन्दा बढी) छ । यो फोन नेपालमा आएकै छैन र नेपालीका लागि यो उपलब्ध भएको सबैभन्दा नजिकको बजार भारत भएकोले यहाँ यसको भारतीय मूल्य राखिएको हो ।

यदि तपाइँले भर्टुइण्डिया छुट कोड प्रयोग गर्नुहुन्छ भने, तपाइँले १०% छुट प्राप्त गर्न सक्नुहुन्छ। तपाईले सोचिरहनुभएको होला कि यो फोनमा खास के छ जसका कारण यसको मूल्य यति धेरै छ । यसमा १८ क्यारेट सुनको प्लेटिङ प्रयोग गरिएको छ । फोन टाइटेनियम अलोय बडी फ्रेमको साथ आउँछ, जसमा लक्जरी इको लेदर प्रयोग गरिएको छ। यसमा १८ क्यारेट सुनको प्लेटेड सिम कार्ड ट्रे छ।

यसको स्पेसिफिकेशनको बारेमा कुरा गर्दा, फोनमा सिंगल सिम कार्ड स्लट दिइएको छ, जुनएलटीइ फोरजी प्लस सपोर्टको साथ आउँछ। डिभाइसमा २ इन्चको क्युभिजिए टीएफटी एलसीडी डिस्प्ले छ। यसले ब्लुटुथ, थ्रीजीपी, एमपीफोर समर्थन गर्दछ। फोनमा १०५० एमएएच ब्याट्री दिइएको छ। अर्थात् यो फिचर फोन हो जसको लागि तपाईले कम्तिमा ६४ हजार भारतीय रुपैयाँ खर्च गर्नुपर्नेछ । यसको दोस्रो भेरियन्टको मूल्य अझ बढी छ।

यो ब्राण्डको सबैभन्दा महंगो फोन भर्टु सिग्नेचर भी – ब्ल्याक गोल्ड डायमण्ड आइरन ब्ल्याक एलिगेटर हो । अमेरिकी बजारमा उपलब्ध यो मोसलको मूल्य भर्टुको आधिकारिक वेबसाइटमा १ लाख १८ हजार ५ सय डलर राखिएको छ । यो भनेको १ करोड ४८ लाख ५२ हजार नेपाली रूपैयाँभन्दा बढी हो ।