काठमाडौँ। रणवीर सिंह र दीपिका पादुकोण बलिउडको लोकप्रिय र पावर जोडीमध्ये एक हुन्। दुवैले मिलेर मुम्बई र वरपर धेरै सम्पत्ति बनाएका छन्। पछिल्लो खबर यो छ कि अब यी दुबै शाहरुख खान र सलमान खानका छिमेकी बन्न लागेका छन्।

दीपिका-रणवीर जोडीले मुम्बईको बान्द्रामा अवस्थित हरियाली आवासीय टावर ‘सागर रेशम’ मा विलासी अपार्टमेन्ट किनेका छन्। यस घरबाट उनीहरुले ब्यान्डस्ट्यान्डबाट अरब सागरको सुन्दर दृश्य हेर्न पाउनेछन् । यो जोडीको नयाँ घरको लागत सुनेर तपाइको होश नै उड्ने छ।

मिडिया रिपोर्टका अनुसार दीपिका र रणवीरको यो अपार्टमेन्ट शाहरुख खानको मन्नत र सलमान खानको ग्यालेक्सी अपार्टमेन्टको धेरै नजिक छ। उनको अपार्टमेन्ट टावरको १६, १७, १८ र १९ औं तलामा रहेको बताइएको छ । यसको कुल क्षेत्र ११ हजार २६६ वर्ग फुट र एक विशेष टेरेस १ हजार ३ सय वर्ग फुट छ।

दम्पतीले यो घर ‘ओह फाइभ ओह मिडिया वर्क्स एलएलपी’ फर्म मार्फत किनेका हुन् जसमा रणवीर सिंह र उनका बुबा निर्देशक छन्। दरको हिसाबले, वरपरको सम्पत्तीको मूल्य प्रति वर्ग फुट १ लाख रुपैयाँ छ। यस अर्थमा यो अपार्टमेन्टको मूल्य करिब ११९ करोड रुपैयाँ पर्छ। यो किन्नका लागि अभिनेताले ७.१३ करोड रुपैयाँ स्टाम्प शुल्क तिरेका छन् । यस सम्झौतामा उनीहरूले १९ वटा पार्किङ क्षेत्र पाएका छन्।