काठमाडौं । निर्वाचन आयोगले आगामी मंसिर ४ गते हुने प्रतिनिधिसभा सदस्य तथा प्रदेश सभा सदस्य निर्वाचनका लागि हुने उम्मेदवारको स्वघोषणाबारे जानकारी गराएको छ । आयोगका सहसचिव तथा प्रवक्ता शालिग्राम शर्मा पौडेलले शुक्रबार विज्ञप्ति जारी गर्दै सो जानकारी गराएका हुन्।

निर्वाचनमा उम्मेदवार हुने व्यक्ति नेपालको संविधानप्रति पूर्ण निष्ठावान हुनुपर्ने, २५ वर्ष उमेर पूरा भएको नेपाली नागरिक हुनुपर्ने स्मरण आयोगले गराएको छ । आयोगले आगामी २३ गते आइतबार प्रत्यक्षतर्फको उम्मेदवारी दर्ताको कार्यतालिका यसअघि सार्वजनिक गरिसकेको छ ।