काठमाडौं । एउटी केटीले आफ्नो प्रेमीसँग ब्रेकअप गरिन् किनभने उनलाई एकदमै साधारण खाना खुवाइएको थियो। केटी पहिलो पटक केटाका आमाबुवालाई भेट्न केटाको घर पुगेकी थिइन् । उनले आफूलाई दिइएको खानाको फोटो–भिडियो पनि सामाजिक सञ्जालमा सेयर गरेकी छिन् । यो विषय चीनको सामाजिक सञ्जालमा चर्चामा छ ।

चीनको दक्षिण-पश्चिमी प्रान्त सिचुआनको सुकान सिक्सुनमा ब्रेकअपको यो अनौठो घटना बाहिर आएको छ । युवतीको परिचय भने खुलाइएको छैन । तर साउथ चाइना मर्निङ पोस्टको रिपोर्ट अनुसार युवतीको उमेर २० वर्षको हाराहारीमा छ ।

यी युवतीले पहिलो पटक आफ्नो प्रेमीका अभिभावकलाई भेट्न साढे दुई घण्टाको यात्रा गरेकी थिइन् । युवतीले भनिन् कि उनी आफ्नो प्रेमीको घर पुग्ने बित्तिकै टेबुलमा खाना पहिले नै देखेर प्रभावित भइन्।

यस क्रममा केटीले भिडियो पनि बनाएकी छिन्, भिडियोमा केटाका आमाबुवाले खानामा चाउचाउ, फ्राइड अण्डा, दउल, स्टिर फ्राइड डिश र विभिन्न चिसो परिकार खुवाएको देख्न सकिन्छ । यति धेरै परिकार भए पनि केटी निराश भइन् । वास्तवमा, केटीले पहिलो भेटमा अझ स्वादिष्ट खाना खाने अपेक्षा गरेकी थिइन्।

सुकन शिक्सुनसँगको अन्तर्वार्ताका क्रममा ती युवतीले भनिन्, ‘उनी (प्रेमी)ले मलाई दैनिक जीवनमा सामान्य मानिसले यही खाने बताएका थिए। केटीले भनिन् कि मलाई चाउचाउ मन पर्दैन भन्ने मेरो प्रेमीलाई राम्रोसँग थाहा थियो । करिब दुई दिनपछि केटीले अब आफ्नो प्रेमीको परिवारसँग बस्न नसक्ने निर्णय गरिन् । यसपछि उनले आफ्नो झोला प्याक गरि केटासँग ब्रेकअप गरिन् ।

युवतीको भिडियोलाई ७० लाखभन्दा बढीले हेरेका छन् । योसँगै भिडियोमा ५ हजारभन्दा बढीले कमेन्ट गरेका छन् । तर, त्यहाँ धेरै प्रयोगकर्ताहरू थिए जसले केटीलाई समर्थन गरेको देखियो। त्यहाँ केही प्रयोगकर्ताहरू पनि थिए जसले केटीलाई जानाजानी यस्तो खाना खुवाइएको बताएका थिए।

एक व्यक्तिले केटीले केटाको परिवारबारे थाहा पाएकोमा राम्रो भएको लेखेका छन् । चीनको शान्सी प्रान्तको एउटा गाउँमा बस्ने एक व्यक्तिले लेखेका छन् कि केटीलाई खुवाउने खाना हाम्रो घरमा खाने खाना हो, हामी पनि हरेक दिन चाउचाउ खान्छौं, कहिलेकाहीँ हाम्रो खाना ३-४ दिनको लागि राखिन्छ।