काठमाडौं। हाल देशमा उल्लेखनीय मौसमी प्रणाली छैन। आइतबार(आज) बिहान प्रदेश १ र गण्डकी प्रदेशका पहाडी भू-भागका थोरै स्थानमा आंशिक बदली रहि देशका बाँकी भू-भागमा मौसम सामान्यतया सफा रहेको मौसम पूर्वानुमान महाशाखाले जनाएको छ।

दिउँसो पनि प्रदेश-१ र गण्डकी प्रदेशका पहाडी भू-भागका थोरै स्थानमा आंशिक बदली रहने छ। राति वाग्मती प्रदेश, मधेस प्रदेश, प्रदेश-१ का पहाडी भू-भागमा आंशिक बदली रहने छ। महाशाखाका अनुसार देशका बाँकी भू-भागमा मौसम सामान्यतया सफा रहनेछ।

तराईका केही भू-भागमा हुस्सु र कुहिरो लागेर दैनिक जनजीवन, स्वास्थ्य, सडक तथा हवाई यातायातमा सामान्य प्रभाव पर्न सक्ने सम्भावना रहेकाले आवश्यक सावधानी तथा सतर्कता अपनाउन विभागले आग्रह गरेको छ।