काठमाडौं । अमेरिकाको आकाशमा चीनको ‘जासूस बेलुन’ भेटिएपछि अमेरिकी विदेशमन्त्री एन्टोनी ब्लिन्केनले आफ्नो चीन भ्रमण रद्द गरेका छन् ।

दुई देशबीचको सम्बन्धमा तनावपूर्ण वातावरणमा यो भ्रमण हुन लागेको हो । बेलुनलाई मौसमसम्बन्धी जानकारी सङ्कलन गर्न प्रयोग गरिएको र खराब मौसमका कारण बाटो हराएको चीनले जनाएको छ ।

अमेरिकी अधिकारीहरूले यो एक निगरानी बेलुन हो भन्ने दृढ विश्वास गर्छन्। चीनको विदेश मन्त्रालयले एक विज्ञप्तिमा उक्त घटनाप्रति खेद व्यक्त गर्दै यो समस्या समाधान गर्न अमेरिकासँग काम गरिरहेको जनाएको छ।