काठमाडौं । टर्कीका राष्ट्रपति रेसेप तैयप अर्दोआनले भूकम्पपछिको अवस्थालाई सम्हाल्ने विषयमा उठेका प्रश्नमा सरकारको बचाउ गरेका छन् । उनले भने, ‘यति स्तरसम्म विपद्का लागि तयार रहन असम्भव छ ।’

टर्की र उत्तरी सिरियामा सोमबार आएको भूकम्पमा हालसम्म १२ हजार मानिसको मृत्यु भएको पुष्टि भएको छ । आलोचकहरूले आपतकालीन सेवाले सुस्त गतिमा काम नगरेको र सरकारको तयारी पनि ठीक नभएको बताउँछन् ।

राष्ट्रपति एर्दोगानले स्वीकार गरे कि त्यहाँ केहि समस्याहरू थिए तर अवस्था अब “नियन्त्रणमा” छ। तर, टर्कीको मुख्य विपक्षी दलका नेता केमेल कुलुचतारोलोले भने यसमा असहमति जनाएका छन् ।

उनले भने, “यदि कोही यसका लागि जिम्मेवार छन् भने त्यो अर्दोआन हो।”

राष्ट्रपतिले यी आरोपहरूको खण्डन गर्दै विपद्को समयमा एकता आवश्यक रहेको बताए। उनले रिपोर्टरलाई भने, “यस्तो अवस्थामा मलाई राजनीतिक फाइदाका लागि नकारात्मक अभियान चलाउने मानिसहरूलाई सहन गाह्रो छ।”

सिरियाको लामो समयदेखि चलिरहेको द्वन्द्वले पूर्वाधारलाई ध्वस्त पारेको छ, यसले सहायता पुर्‍याउन गाह्रो बनाएको छ। भूकम्पपछि टर्की र सिरिया बीचको बाब अल-हवा क्रसिङ पूर्ण रूपमा बन्द छ र सडक भत्किएको छ।

संयुक्त राष्ट्रका एक अधिकारीले सडक छिट्टै पहुँचयोग्य हुने बताए। टर्कीका विदेशमन्त्री मेभलुत चेवुशोग्लुले सिरियामा सहयोग पुग्ने गरी दुवैतर्फको सीमाना थप खोल्न सक्ने बताएका छन् ।

युरोपेली संघले सरकारको अनुरोधमा सिरियालाई ३.५ मिलियन युरोको सहायता पठाएको पुष्टि गरेको छ । तर, यो सहयोग सरकार र विद्रोही दुवैको नियन्त्रणमा रहेको क्षेत्रमा पुग्नुपर्छ ।

इदलिब प्रान्तमा १५०० भन्दा बढी मानिस मारिएका छन् । सिरियाका राष्ट्रपति बसर अल-असदका सल्लाहकारले प्रतिबन्धले सिरियालाई अति आवश्यक सहायता प्राप्त गर्नबाट रोकेको बताए।