काठमाडौं । आश्रय गृहमा एउटा कोठा। यहाँ २५ जनाको शव राखिएको छ । यी शवहरूको बीचमा एक जीवित व्यक्ति पनि छन्। गनी कहिले एउटा लाशछेउमा जान्थे त कहिले अर्कोको छेउमा । रुँदै उनले मृतकको नाम बोलाएर अँगालो हाल्ने गर्दथे ।

यी शवहरूमध्ये जीवित व्यक्ति अहमद इद्रिस हुन् र यो हृदयविदारक दृश्य सिरियाको साराकिब सहरको हो। सोमबार गएको भूकम्पले इद्रिसलाई जीवनभरको पीडा दिएको छ । भूकम्पमा उनको परिवारका २५ जनाको मृत्यु भएको छ ।

यस भूकम्पमा इद्रिसको परिवारका २५ जनाको मृत्यु भएको थियो । उनले विश्वास गर्न सक्दैनन् कि यो भूकम्पले उनका लागि यी पीडादायी सम्झनाहरू ल्यायो। इद्रिस भन्छन्, सिरियामा जारी युद्धका कारण उनी साराकिब पुगेका थिए । ताकि बच्चाहरु र आफैले एक सुरक्षित आश्रय पाउन सक्छन्। तर हेर्नुस् हामीमाथि के भयो, कति अन्याय भयो ।

यस भूकम्पमा उनको परिवारका अधिकांश सदस्यको मृत्यु भएको बताइएको छ । इद्रिसले आफ्नो मृत नातिको शवलाई अँगालो हालेर भन्छन् कि तिमीले मेरो मन दुखाएको छौ। मैले कहिल्यै सोचेको थिइन कि मलाई यस्तो हुनेछ। इद्रिसले भने, ‘मैले मेरी छोरी, उनका दुई छोरा पनि गुमाएँ । मेरी छोरीको श्रीमानको परिवार पनि मारिएको छ। मेरो विस्तारित परिवारका अधिकांश सदस्यहरू अब छैनन्।

इद्रिस र उनको परिवारले २०१२ मा साराकिबमा शरण खोजे, यो सहर २०२० मा सिरियाली सेनाले पुनः कब्जा गरेको थियो। उनले भने ‘हामी आफ्नो र आफ्ना सन्तानका लागि सुरक्षित बासको खोजीमा यहाँ आएका थियौं, तर हेर्नुहोस् भाग्यले हामीलाई यहाँ कस्तो साथ दियो ?’

टर्की र सिरियामा सोमबार ७.८ म्याग्निच्युडको भूकम्प गएको थियो । भूकम्पको केन्द्रविन्दु टर्की र सिरियाको सीमा नजिक थियो । यस्तो अवस्थामा टर्कीदेखि सिरियासम्म जताततै विनाशको दृश्य छ । भूकम्पले भत्किएका भवनको भग्नावशेषबाट शव निकाल्ने प्रक्रिया जारी छ ।

हजारौं परिवार घरबारविहीन भए । सयौं बालबालिका टुहुरा भए । भूकम्पका कारण दुवै देशमा अहिलेसम्म १५ हजार जनाको मृत्यु भइसकेको छ । हालसम्म टर्कीमा १२ हजार ३ सय ९१ जनाको मृत्यु भइसकेको छ भने सिरियामा २ हजार ९ सय ९२ जनाको ज्यान गएको छ । दुवै देशका ११ हजारभन्दा बढी भवन ध्वस्त भएका छन् । योसँगै घाइतेको संख्या पनि १५ हजार नाघेको छ ।

इद्रिस मात्र होइनन् जसको भुकम्पले सबै थोक खोस्यो । टर्की निवासी अब्दुलालिम मुइनीको कथा पनि यस्तै छ । भूकम्प गएको ४८ घण्टापछि अब्दुलालिमको उद्धार गरिएको थियो । उनी र उनको परिवार भग्नावशेषमुनि पुरिएका थिए ।

अब्दुलअलिमकी श्रीमती र दुवै छोरीको मृत्यु भएको छ । श्रीमतीको शव लिएर दुई दिनदेखि भग्नावशेषमा फसेका थिए मुईनी । अब्दुलअलिम पनि घाइते भएका छन् । तर यो दुर्घटनामा उनले आफ्नो सम्पूर्ण परिवार गुमाए ।