एकै दिन १० अर्बले घट्यो निक्षेप संकलन, सीडी रेसियो बढ्यो
काठमाडौँ। बैंक तथा वित्तीय संस्थाहरुको निक्षेप संकलन एकै दिन १० अर्बले घटेको छ। बैंकहरूको निक्षेप संकलन घट्दा सिडी रेसियो बढेको छ।
नेपाल राष्ट्र बैंकका अनुसार २५ माघसम्म बैंक तथा वित्तीय संस्थाहरूमा कुल ५३ खर्ब ५५ अर्ब रुपैयाँ निक्षेप रहेको छ। २४ माघसम्म बैंकहरूको निक्षेप ५३ खर्ब ६५ अर्ब रुपैयाँ रहेको थियो। एक दिनमा बैंक तथा वित्तीय संस्थाहरूको निक्षेप १० अर्बले घटेको हो । यसै अवधिमा वाणिज्य बैंकहरूको निक्षेप पनि १० अर्बले घटेर ४७ खर्ब १७ अर्बमा खुम्चिएको छ।
बैंक तथा वित्तीय संस्थाहरूको कुल कर्जा प्रवाह ६ अर्बले बढेर ४८ खर्ब २४ अर्ब पुगेको छ। २४ माघसम्म बैंकहरूको कर्जा प्रवाह ६ अर्बले बढेर ४८ खर्ब १८ अर्ब रहेको थियो। वाणिज्य बैंकहरूको कर्जा लगानी भने ६ अर्बले बढेको छ। वाणिज्य बैंकहरूको कर्जा लगानी ४२ खर्ब ७४ अर्ब रुपैयाँबाट बढेर ४२ खर्ब ८० अर्ब रुपैयाँमा पुगेको छ।
बैंकहरूको औसत कर्जा–निक्षेप अनुपात (सीडी रेसियो) ०.४० प्रतिशतले बढेर ८६.६३ प्रतिशत पुगेको छ। माघ २४ गते बैंकहरुको सीडी रेसियो ८६.२३ प्रतिशत रहेको थियो।
Facebook Comment