काठमाडौं । चिनियाँ सरकारी सञ्चारमाध्यमका अनुसार राष्ट्रपति सी जिनपिङले इरानको आणविक कार्यक्रमबारे चाँडो र उपयुक्त समाधान खोज्न आग्रह गरेका छन्। जिनपिङले इरानको अधिकार र हितको रक्षा गर्न आफ्नो समर्थन दिने कुरा गरेका छन्।

जिनपिङले बेइजिङमा इरानी राष्ट्रपति इब्राहिम रायसीलाई इरानसँगको आणविक सम्झौता कार्यान्वयन गर्न सकारात्मक रूपमा पुनः वार्ता सुरु गर्ने बताएका छन् । सन् २०१५ मा इरानले जर्मनी, चीन, अमेरिका, फ्रान्स, बेलायत र रुससँग सम्झौता गरेको थियो ।

यो सम्झौता अनुसार इरानमाथि लगाइएको प्रतिबन्ध हटाउने बदलामा इरानले आफ्नो आणविक कार्यक्रम सीमित गर्नुपर्ने थियो । तर अमेरिकी राष्ट्रपति डोनाल्ड ट्रम्पले सन् २०१८ मा अमेरिकालाई यसबाट अलग गरेका थिए, त्यसपछि यो सम्झौता रद्द भएको थियो ।

चीनले यो कदमको आलोचना गर्दै अमेरिकाले यो सम्झौतामा फर्कन पहल गर्नुपर्ने बताएको थियो । सेप्टेम्बरमा, अमेरिकाले इरानको तेल निर्यातसँग सम्बन्धित केही कम्पनीहरूमाथि नयाँ प्रतिबन्ध लगाएको थियो, जसमध्ये पाँच चीनका थिए।