काठमाडौं । भारतीय प्रधानमन्त्री नरेन्द्र मोदीले अमेरिकी राष्ट्रपति जो बाइडेनसँग फोनवार्ता गरेका छन् । दुबै नेताहरूले एयर इन्डिया र बोइङको ऐतिहासिक सम्झौताको स्वागत गरे।

यसलाई फाइदाजनक भन्दै प्रधानमन्त्री मोदी र बाइडेनले यो सम्झौतालाई रोजगारीका अवसरहरू सृजनाको रूपमा व्याख्या गरेका छन् ।

बाइडेनले प्रधानमन्त्री मोदीलाई भने कि यो सम्झौताबाट अमेरिकाका ४४ राज्यमा १० लाखभन्दा बढी रोजगारी सिर्जना हुनेछ ।

ह्वाइट हाउसले जारी गरेको विज्ञप्ति अनुसार एयर इन्डिया र बोइङबीच भएको सम्झौताका कारण बोइङ कम्पनीबाट २२० विमान खरिद गरिने भएको छ । तिनीहरूको लागत ३४ बिलियन डलर हुनेछ।

योसँगै एयरलाइन्सले यस्ता ७० वटा थप विमान किन्न सक्नेछ । प्रधानमन्त्री मोदीको कार्यालयले पनि बाइडेनसँगको कुराकानीलाई सौहार्दपूर्ण र सकारात्मक भएको बताएको छ।

प्रधानमन्त्री मोदीले बोइङ र अन्य अमेरिकी कम्पनीहरूलाई भारतको बढ्दो नागरिक उड्डयन क्षेत्रमा आउन र यहाँका अवसरहरूको फाइदा उठाउन आमन्त्रित गरे।