काठमाडौं । अमेरिकाको मिसिसिपीमा एक व्यक्तिले तीनवटा बन्दुकबाट गोली हानेर आफ्नी पूर्व पत्नी र अन्य पाँच जनाको हत्या गरेका छन् ।

प्रहरीका अनुसार यो घटना मिसिसिपीको एउटा सानो गाउँ अर्काबाटलामा भएको हो । उक्त घटनाका क्रममा उक्त क्षेत्रमा भागदौड मच्चिएको थियो ।

जिल्लाका विभिन्न स्थानमा शव फेला परेका छन् । एउटा पसल र दुई घरमा पनि शव फेला परेको छ । यो गाउँमा करिब ३ सय मानिस बस्छन् ।

यस घटनामा प्रहरीले ५२ वर्षीय एक व्यक्तिलाई पक्राउ गरेको छ । हत्याको कारण भने अहिलेसम्म खुलेको छैन ।

मिसिसिपीका गभर्नर टेट रिभ्सले आरोपितले एक्लै काम गरेको देखिएको बताएका छन् ।

सेरिफ ब्राड लान्सले भने कि एक बन्दुकधारीले पेट्रोल पम्पमा प्रवेश गरे र अज्ञात व्यक्तिलाई गोली हानेपछि भागदौड सुरु भयो।

यसपछि उनले नजिकैको घरमा गएर आफ्नी पूर्व पत्नीलाई गोली हाने । समाचार च्यानल सीएनएनका अनुसार उनले पूर्व पत्नीकी मंगेतरलाई गोली हानेनन् ।

न्यूयोर्क टाइम्सको रिपोर्टका अनुसार, अनुसन्धानकर्ताहरूले भनेका छन् कि आरोपीले त्यसपछि अर्को घरमा गएर आफ्नो सौतेनी बुबा र एक अज्ञात महिलालाई गोली हाने।

त्यसपछि उनले कारमा बसेका एक व्यक्ति र बाटोमा रहेका अर्का एक व्यक्तिलाई गोली हानेका थिए । शेरिफ लान्सका अनुसार आरोपीसँग एउटा बन्दुक र दुईवटा ह्यान्डगन थिए।