काठमाडौं । पाकिस्तान तहरीक-ए-इन्साफ (पीटीआई) का प्रमुख इमरान खान र अन्य ४०० जनालाई हत्या र अतिवादको आरोपमा मुद्दा दायर गरिएको छ।

लाहोर प्रहरीले पार्टीको र्‍यालीमा प्रहरीसँग भएको झडपको सन्दर्भमा यो मुद्दा दर्ता गरेको हो । यस झडपमा एक पीटीआई कार्यकर्ताको मृत्यु भएको थियो भने सयौं घाइते भएका थिए।

सत्तारुढ गठबन्धन पाकिस्तान मुस्लिम लिग-नवाज (पीएमएल-एन) ले इमरान खानविरुद्ध ११ महिनामा यो ८० औं मुद्दा दायर गरेको छ।

बुधवार, पार्टीका कार्यकर्ताहरू न्यायपालिकाको समर्थनमा इमरान खानको घरबाहिर भेला भएका थिए।

प्रहरीले कार्यकर्तामाथि आक्रमण गरेको आरोप छ, जसमा पीटीआई कार्यकर्ता अली बिलालको मृत्यु भएको छ भने दर्जनौं घाइते भएका छन् ।

प्रहरीले यस मामिलामा एक सय पीटीआई कार्यकर्तालाई पक्राउ गरेको छ ।

पीटीआई कार्यकर्तासँगको झडपमा ११ प्रहरी अधिकारी घाइते भएको प्रहरीको एफआईआरमा उल्लेख छ ।

कार्यकर्ताले ढुंगा हाने । यस क्रममा ६ जना मजदुर पनि घाइते भएका छन् ।

पीटीआईका वरिष्ठ नेता फवाद चौधरीले बिहीबार भने कि मृतक पीटीआई कार्यकर्ताको परिवारको उजुरीको आधारमा पुलिस र उनीहरूका मालिकहरू विरुद्ध एफआईआर दर्ता गर्नुको सट्टा, पुलिसले ७० वर्षीय इमरान खान र अन्य ४०० विरुद्ध मुद्दा दर्ता गरेको छ।

एफआईआरमा फवाद चौधरी, फारुक हबीब, हम्माद अजहर र महमूदुर रशीदको नाम पनि समावेश छ।