काठमाडौं । आइतबार साउदी अरबका विदेशमन्त्री राजकुमार फैसल बिन फरहान र इरानका विदेशमन्त्री हुसेन अमिर अब्दुलाह्यानबीच फोनमा वार्ता भएको छ ।

वार्ताका क्रममा दुई नेताबीच आपसी हितका विषयमा र ‘हालै भएको त्रिपक्षीय सम्झौता’बारे छलफल भएको थियो । गत महिना नै दुई देशबीच कूटनीतिक सम्बन्ध पुनःस्थापना गर्ने सहमति भएको थियो र दुवै देशले आगामी दुई महिनाभित्र दूतावास खोल्ने बताएका थिए ।

यस वार्तालापको जानकारी दिँदै इरानको विदेश मन्त्रालयले लेखेको छ, “इरानी विदेशमन्त्री हुसेन अमिर अब्दुलाह्यान र साउदी अरबका विदेशमन्त्री राजकुमार फैसल बिन फरहानले सम्बन्धको सकारात्मक प्रवृत्तिप्रति खुशी व्यक्त गर्दै छिमेकी नीतिलाई विस्तार गर्ने दृढता व्यक्त गरेका छन्।”

? In a telephone conversation with his Saudi counterpart Faisal bin Farhan, Iranian FM Hossein Amirabdollahian has expressed pleasure with the positive trend of ties between Tehran and Riyadh and underlined the Islamic Republic’s resolve to expand its policy of neighborliness pic.twitter.com/jgYmLkU6KR

— Iran Foreign Ministry ?? (@IRIMFA_EN) April 2, 2023

“दुई शीर्ष कूटनीतिज्ञहरूले इरान-साउदी अरेबिया सम्झौताको वर्तमान स्थिति र उनीहरूको आगामी बैठकको बारेमा पनि छलफल गरे। बिन फरहानले इरानी र साउदी अधिकारीहरूसँग सम्पर्कमा रहनुपर्ने आवश्यकतामा जोड दिँदै दुवै पक्षको वर्तमान प्रयासलाई सकारात्मक र सन्तोषजनक बताए।”

चीनको सहयोगमा दुई देशबीच मार्च १० मा यो सम्झौता भएको थियो । २०१६ मा, साउदी अरबमा एक शिया धर्मगुरुलाई फाँसी दिएपछि, इरानी प्रदर्शनकारीहरू साउदी अरबको दूतावासमा प्रवेश गरे। त्यसपछि दुवै देशको कूटनीतिक सम्बन्ध तोडिएको थियो ।