काठमाडौं । जोन्सन एन्ड जोन्सन कम्पनीले उत्तरी अमेरिकामा कम्पनीको बेबी पाउडरबाट क्यान्सर निम्त्याएको आरोप लागेका हजारौं मुद्दाको समाधान गर्न ९ अर्ब डलर तिर्न सहमत भएको छ ।

अमेरिकी फार्मास्युटिकल कम्पनीले भनेको छ कि अझै पनि उसलाई यी आरोपहरू “देखावटी” लागिरहेका छन् तर आशा छ कि रकमले कानूनी लडाई समाप्त गर्न मद्दत गर्नेछ।

यसअघि कम्पनीले सम्झौताका लागि २ अर्ब डलर प्रस्ताव गरेको थियो । कम्पनीविरुद्ध करिब ४० हजार मुद्दा दर्ता छन् ।

जोन्सन एन्ड जोन्सनको ट्याल्कम पाउडर प्रयोग गर्दा क्यान्सर भएको आरोप लागेका पूर्व ग्राहकहरूले यी मुद्दा दायर गरेका हुन्।

कतिपयले पाउडरमा त्यस्ता पदार्थ प्रयोग गरिएको पनि आरोप लगाएका छन्, जसले क्यान्सर निम्त्याउँछ ।

कम्पनीले सन् २०२० मा “भ्रामक जानकारी” लाई उद्धृत गर्दै अमेरिकामा आफ्नो ट्याल्कममा आधारित उत्पादनहरू बिक्री गर्न बन्द गरेको थियो।

गत वर्ष कम्पनीले यसलाई विश्वव्यापी रूपमा बिक्री नगर्ने निर्णय गरेको थियो ।

यो निर्णय गर्नुअघि कम्पनीले करिब १३० वर्षदेखि बालबालिकाको ट्याल्कम पाउडर बिक्री गर्दै आएको छ ।