काठमाडौं । एयर इन्डियाको अर्को विमानमा यात्रुले दुर्व्यवहार गरेको खबर बाहिर आएको छ ।

समाचार एजेन्सी एएनआईले एयर इन्डियालाई उद्धृत गर्दै दिल्लीबाट लन्डनका लागि उडान भरेको केही समयपछि विमान फर्किनुपरेको बताएको छ।

एएनआईले अधिकारीहरूलाई उद्धृत गर्दै भनेको छ कि यात्रुले चालक दलका सदस्यहरूसँग झगडा गर्न थाले।

अधिकारीका अनुसार यात्रुलाई उनको व्यवहारबारे चेतावनी पनि दिइएको थियो तर उनले सुनेनन् ।

एएनआईले अधिकारीहरूलाई उद्धृत गर्दै भनेको छ कि यात्रुले केबिन चालक दलका दुई सदस्यहरूलाई शारीरिक चोट पनि पुर्‍याएका छन् ।

जसका कारण विमान दिल्ली एयरपोर्ट फर्किनु परेको थियो ।

एयर इन्डियाका अधिकारीहरूलाई उद्धृत गर्दै यस विषयमा दिल्ली एयरपोर्ट पुलिसमा उजुरी दर्ता गरिएको बताइएको छ।

यात्रुको थप विवरण भने आइसकेको छैन । यसअघि पनि एयर इन्डियामा यात्रुसँग दुर्व्यवहारको गुनासो आएको थियो ।

केही दिन अघि एक यात्रुले सहयात्रीमाथि पिसाब गरे । यो विषय निरन्तर चर्चामा रह्यो ।