काठमाडौँ। शरीरमा ब्लड सुगर लेभल बढ्नुको मुख्य कारण तपाईको खराब जीवनशैली हो। ब्लड सुगर लेभल नियन्त्रणमा राख्न केही कुरामा ध्यान दिनु जरुरी हुन्छ। अधिकांश मानिसहरू ब्लड सुगरको समस्याको सामना गर्नु पर्ने हुन्छ किनभने उनीहरूको जीवनशैली धेरै खराब हुन्छ। आज हामी तपाईलाई केहि यस्ता कुराहरु बारे बताउन गइरहेका छौ, जसलाई छोडेर तपाईले आफ्नो ब्लड सुगर लेभललाई नियन्त्रणमा राख्न सक्नुहुन्छ।

१.रातभर जाग्ने– आजको समयमा मानिसहरु राती घण्टौं सुतेर मोबाइल चलाउने गर्छन्। मोवाइलको अत्याधिक प्रयोगका कारण मानिसलाई सुत्न निकै समस्या हुने गर्दछ।

स्वास्थ्य विज्ञहरूका अनुसार दैनिक कम्तीमा ७ देखि ८ घण्टा सुत्नु पर्छ। यसले तपाईको स्वास्थ्य र दिमागलाई स्वस्थ मात्र राख्दैन तर रगतमा चिनीको मात्रा पनि नियन्त्रणमा राख्छ। राती लामो समयसम्म मोबाइल वा ल्यापटपमा काम गर्दा भोक लाग्छ र तपाईले केहि खानेकुरा खानुहुन्छ जसले तपाईको रगतमा चिनीको मात्रामा नराम्रो प्रभाव पार्छ।

२.शारीरिक क्रियाकलाप नगर्ने– यस्ता धेरै मानिसहरु छन् जो शारीरिक क्रियाकलाप कम गर्ने छन् । जब तपाईं शारीरिक रूपमा सक्रिय हुनुहुन्न, तब शरीरमा धेरै प्रकारका रोगहरू उत्पन्न हुन थाल्छन्। स्वस्थ रहनको लागि, आफ्नो जीवनशैलीमा शारीरिक गतिविधिहरू निश्चित रूपमा समावेश गर्नुहोस्। यसले तपाईलाई स्वस्थ मात्र राख्दैन, तपाईको रगतमा चिनीको मात्रा पनि नियन्त्रणमा राख्छ। शारीरिक क्रियाकलाप गरेर इन्सुलिन संवेदनशीलता सुधार गर्न सकिन्छ।

३. धेरै तनाव लिनु – कुनै पनि कुराको धेरै तनाव लिनाले तपाईको समग्र स्वास्थ्यमा धेरै नराम्रो असर गर्छ। तनाव लिँदा शरीरमा इन्सुलिनको स्तर घट्न थाल्छ र इपिनेफ्राइन र कोर्टिसोल जस्ता तनाव हार्मोनहरू बढ्न थाल्छ, जसले तपाईंको रगतमा चिनीको मात्रा बढाउँछ। यस्तो अवस्थामा तपाईले कम तनाव लिने गर्नु पर्छ।

४. क्यालोरी काउन्टमा ध्यान दिनुहोस्– शरीरमा ब्लड सुगरको लेभल नियन्त्रणमा राख्न तपाईले दिनभरि कति क्यालोरी खपत गरिरहनुभएको छ भन्ने कुरामा विशेष ध्यान दिनु आवश्यक छ। क्यालोरी काउन्ट घटाउनको लागि आफ्नो आहारमा प्रोटिन, फ्याट, कार्बोहाइड्रेटलाई सन्तुलनमा राख्नुपर्छ। यसका साथसाथै आफ्नो आहारमा फाइबर समावेश गर्न जरुरी छ।