काठमाडौं । इजरायलका राष्ट्रपति बेन्जामिन नेतान्याहुले यस हप्ता अमेरिकी रिपब्लिकन नेता रोन डिसेन्टिसलाई भेट्ने बताएका छन्।

डिसेन्टिस फ्लोरिडाका गभर्नर हुन्। उनी सन् २०२४ को अमेरिकी राष्ट्रपतिको चुनावमा रिपब्लिकन पार्टीको उम्मेदवार हुन सक्छन्।

डिसेन्टिसले यस हप्ता इजरायल भ्रमण गर्नेछन् । सोही क्रममा उनले नेतान्याहुलाई भेट्न सक्नेछन् ।

सीबीएस न्यूजको कार्यक्रम ‘फेस द नेसन’ मा नेतान्याहुले यो जानकारी दिएका हुन् ।

डिसेन्टिस हाल जापान, दक्षिण कोरिया, इजरायल र बेलायत भ्रमण गर्दै छन्।

डिसेन्टिसको इजरायल भ्रमण यस्तो समयमा आएको छ जब नेतान्याहू सरकारले सर्वोच्च अदालतमा आफ्नो पकड कडा गर्ने कथित प्रयासको विरोध भइरहेको छ।
इजरायलमा ठूलो संख्यामा मानिसहरूले सडकमा यसको विरोध गरिरहेका छन्।

सीबीएस न्युजको कार्यक्रममा नेतान्याहुलाई डिसान्टिसलाई भेट्ने कि नभेट्ने भनेर सोधिएको थियो ।

त्यसमा उनले भने, ‘किन नमिल्ने सबैलाई भेट्छु । चाहे त्यो रिपब्लिकन गभर्नर होस् वा डेमोक्रेट गभर्नर।’

तर, डिसेन्टिसको कार्यालयबाट यसबारे सोध्दा कुनै प्रतिक्रिया आएको छैन ।