काठमाडौं । पाकिस्तानका पूर्वप्रधानमन्त्री तथा पीटीआईका अध्यक्ष इमरान खान अल-कादिर ट्रस्टको अनुसन्धानका लागि आज इस्लामावादमा एनएबी समक्ष उपस्थित हुने भएका छन् । उनी लाहोरबाट श्रीमती बुशरा बीबीसँग प्रस्थान गरेका छन् ।

यस मामिलामा इमरान खान फेरि पक्राउ पर्ने आशंका छ । इमरान खानले आफ्ना समर्थकहरूलाई पक्राउ परेमा शान्ति कायम राख्न आग्रह गरेका छन् । बीबीसी संवाददाता तारब असगरका अनुसार इमरान खानसँग पार्टीका कुनै नेता वा कार्यकर्ता छैनन्।

हिजो इमरान खानले कार्यकर्ताहरुलाई सम्बोधन गर्दै आफू र आफ्नी श्रीमतीलाई इस्लामाबादमा गिरफ्तार हुने डर लागेको बताएका थिए । यसैबीच, इमरानले अदियाला जेल बाहिर पार्टी नेतृ शिरीन मजारीको पुन: गिरफ्तारीको निन्दा गरे।

ट्विट गर्दै उनले भनेका छन्, ‘यो सुशासन तलतिर गइरहेको छ । उनको स्वास्थ्य अवस्था नाजुक रहेको र अदालतले धरौटीमा रिहा भए पनि उनी फेरि पक्राउ परेका हुन् । यो उनको हिम्मत तोड्ने प्रयास हो।’

उनले लेखेका छन्, “शिरिन मजारी टुट्ने छैन किनभने उनी मेरो जीवनमा भेटेको सबैभन्दा साहसी व्यक्ति हुन्।”