काठमाडौं । बारतका रेल मन्त्री अश्विनी वैष्णवले ओडिशाको बालासोरमा भएको रेल दुर्घटनाको अनुसन्धान पूरा भइसकेको र यसको मुख्य कारण पनि पत्ता लागेको बताएका छन् ।

रातभरि मर्मत कार्यको अनुगमन गरिरहेका रेलमन्त्रीले आइतबार बिहान सञ्चारकर्मीसँगको कुराकानीमा सो जानकारी दिएका हुन् । रातारात एउटा ट्र्याक मर्मतको काम सकिएको उनले बताए । अहिले ओभरहेड तारको काम भइरहेको छ ।

#WATCH | The root cause of this accident has been identified. PM Modi inspected the site yesterday. We will try to restore the track today. All bodies have been removed. Our target is to finish the restoration work by Wednesday morning so that trains can start running on this… pic.twitter.com/0nMy03GUWK

— ANI (@ANI) June 4, 2023

उनले भने, ‘अनुसन्धान पूरा भइसकेको छ, कमिश्नर (रेल सुरक्षा)ले आफ्नो पूर्ण छानबिन प्रतिवेदन यथाशीघ्र दिनेछन्, यो प्रतिवेदन आएपछि सबै तथ्य थाहा हुनेछ, तर यस्तो दर्दनाक दुर्घटनाको मूल कारण के हो ? त्यो थाहा भयो।”

बालासोर दुर्घटनामा अहिलेसम्म २८८ जनाको मृत्यु भइसकेको छ । रेल मन्त्रीले अहिले बुधवार बिहानसम्म रेलको आवागमन पूर्ण रूपमा सुचारु गर्ने प्रयास भइरहेको बताए ।