काठमाडौं । चीनको तियानमेन स्क्वायर नरसंहारको वार्षिकोत्सवमा हङकङमा प्रहरीले प्रजातन्त्र समर्थक प्रदर्शनकारीहरूलाई पक्राउ गर्न थालेको छ।

तर, यसका बाबजुद पनि दर्जनौं मानिसले प्रजातन्त्रको समर्थनमा हङकङ र विश्वका केही भागमा क्यान्डल मार्च निकालेका छन् ।

हङकङमा गिरफ्तार गरिएका प्रजातन्त्र समर्थक कार्यकर्ताहरूमा ६७ वर्षीया अलेक्जान्ड्रा वोङ पनि छन्, जसलाई ‘ग्र्यान्डमा वोङ’ पनि भनिन्छ।

उनलाई भिक्टोरिया पार्क नजिकैबाट पक्राउ गरिएको थियो, जहाँ प्रहरीले दशकौंदेखि निगरानी गरिरहेको थियो।

समाचार एजेन्सी एएफपीका अनुसार हङकङको प्रमुख विपक्षी दलका नेतालाई पनि हिरासतमा लिइएको छ ।

प्रहरीले उनीहरुलाई भ्यानमा लगेको थियो । प्रमुख प्रतिपक्षी दल सामाजिक प्रजातन्त्र पार्टीका प्रमुख तथा वरिष्ठ लोकतान्त्रिक कार्यकर्ता चान पो यिङले यहाँ दुईवटा फूल बोकेर एलईडी क्यान्डल मार्च निकालेका थिए ।

१९८९ मा प्रजातन्त्र समर्थक मानिसहरूको नरसंहारसँग सम्बन्धित घटनाहरू चीनभर प्रतिबन्धित छन्।

हङकङ चीनको एक मात्र सहर थियो जहाँ मानिसहरूलाई एकै ठाउँमा भेला हुन अनुमति दिइएको थियो। तर पछि आन्तरिक सुरक्षाको कारण देखाउँदै यस्ता प्रदर्शनमा प्रतिबन्ध लगाइयो।