काठमाडौं। गर्मीको मौसम आउनेबित्तिकै हरेक पटक चिसो–चिसो पिउने मन लाग्छ। यस्तो अवस्थामा मानिसहरु सामान्यतया कागती पानी, सरबत, जलजीरा वा आँपको पन्ना बनाएर पिउने गर्छन् । तर यो गर्मीमा यदि तपाई बोरिङ ड्रिंकको सट्टा केही रमाइलो गर्न चाहनुहुन्छ भने आज हामी तपाईका लागि नरिवल पानी शिकन्जी बनाउने रेसिपी ल्याएका छौं ।

नरिवलको पानीमा भिटामिन सी र प्रोटिन जस्ता धेरै एन्टि–अक्सिडेन्टहरू हुन्छन्। जसले तपाईंको स्वास्थ्यलाई धेरै फाइदा पुर्‍याउँछ। तपाईं केवल ५ मिनेटमा नरिवल पानी बनाउन र पिउन सक्नुहुन्छ। यो पिएपछि तपाईले तुरुन्तै ताजगी र शीतलता महसुस गर्नुहुन्छ, आउनुहोस् नरिवल पानी शिकन्जी बनाउने तरिका जानौं।

नरिवल पानी शिकन्जी बनाउने सामाग्रीः

-नरिवल पानी १ गिलास
-धुलो चिनी २ चम्मच
-कालो नुन एक चुटकी
-अदुवाको रस १ चम्चा
-कागती २ देखि ३
-सोडा पानी वा सादा पानी १ गिलास

नरिवल पानी शिकन्जी कसरी बनाउनेः
नरिवल पानी शिकन्जी बनाउनको लागि सबैभन्दा पहिले एउटा गिलास लिनुहोस्। त्यसपछि त्यसमा ताजा नरिवलको पानी निकाल्नुहोस्। यसपछि, यसमा पाउडर गरिएको चिनी हाल्नुहोस् र राम्रोसँग मिलाउनुहोस्। त्यसपछि अर्को गिलासमा सोडा वाटर र कागती मिसाएर मिलाउनुहोस्।

यसपछि यसमा नरिवलको पानी हालेर राम्ररी मिलाउनुहोस्। त्यसपछि तयार भएको मिश्रणलाई फ्रिजमा २ देखि ३ घण्टासम्म राखेर चिसो गर्नुहोस्। अब तपाईंको स्वादिष्ट र स्वस्थ नरिवल पानी शिकन्जी तयार हुन्छ। त्यसपछि माथि कालो नुन र पुदिनाको पात हालेर सर्भ गर्नुहोस्।