काठमाडौं । स्वीडेनमा कुरान जलाएपछि भड्किएको हिंसामा संलग्न तीन जनालाई पक्राउ गरिएको छ । आइतबार इराकी नागरिक सलवान मोमिकाले कुरानको प्रति जलाए। यसपछि देशमा हिंसा भड्कियो ।

माल्मो सहरमा सार्वजनिक व्यवस्थामा गडबडी गरेको आरोपमा १० जनालाई पक्राउ गरिएको प्रहरीले जनाएको छ । कुरान जलाएपछि जनतामा आक्रोश छ र केही सवारीसाधनमा आगजनी समेत भएको थियो ।

कतिपय ठाउँमा प्रहरी र प्रदर्शनकारीबीच झडप समेत भएको छ । प्रदर्शनकारीले प्रहरीको गाडीमा ढुंगामुढा गरेको र आक्रमण गरेको प्रहरीले जनाएको छ ।

मोमिका सलवानले आइतबार दिउँसो कुरानको प्रति जलाएका थिए । यसअघि पनि उनले धेरै पटक कुरानको प्रतिलिपि च्यात्ने जस्ता काम गर्दै आएका छन् । कुरान इस्लाममा पवित्र पुस्तक मानिन्छ।

मोमिकाले कुरान च्यातेपछि मध्यपूर्वलगायत इस्लामिक देशबाट चर्को प्रतिक्रिया आएको थियो । मुस्लिम देशहरूले स्वीडेनलाई यस्ता घटनाहरू नियन्त्रण गर्न आग्रह गरेका थिए।

कुरान जलाउने घटनालाई नियन्त्रण गर्न डेनमार्कले भर्खरै यस्तो प्रदर्शनमा प्रतिबन्ध लगाउने कानुन ल्याउने विचार गरिरहेको बताएको थियो।