काठमाडौं । उत्तराखण्डको उत्तरकाशीमा निर्माणाधीन सुरुङमा फसेका ४० जना मजदुरलाई उद्धार गर्न आवश्यक पर्ने धेरै मेसिन घटनास्थलमा पुगेका छन् ।

समाचार एजेन्सी पीटीआईले जारी गरेको भिडियोमा मेसिनहरू देख्न सकिन्छ।

पीटीआईले अधिकारीहरूलाई उद्धृत गर्दै भन्यो कि सुरुङ भित्रबाट कामदारहरूलाई उद्धार गर्न तेर्सो ड्रिलिंग गर्न औगर मेसिनको लागि प्लेटफर्म तयार गरिएको छ।

घटनास्थलमा धेरै ठूला साइजका पाइप ल्याइएका छन्, जसको सहयोगमा कामदारलाई बाहिर निकालिने बताइएको छ ।

यसैबीच जनसम्पर्क अधिकृत जीएल नाथले स्थानीय नेता तथा अन्य व्यक्तिलाई घटनास्थलमा नजान अपिल गरेका छन् ।

उनका अनुसार घटनास्थलमा मानिस पुगेकाले राहत र उद्धार कार्यमा कठिनाइ भइरहेको छ । यद्यपी उनले सुरुङमा फसेका मजदुरको उद्धार हुने आशा व्यक्त गरेका छन् ।

यो सुरुङ उत्तरकाशी जिल्लाको सिल्कियारा र डण्डलगाउँ जोड्न निर्माण भइरहेको छ ।