काठमाडौं । गाजामा युद्ध सुरु भएपछि इजरायलले त्यहाँ इन्धन पुर्याउन प्रतिबन्ध लगाएको थियो । त्यहाँ मानवीय सहायता प्रदान गर्न काम गर्ने संस्थाहरूले यो मुद्दा धेरै पटक उठाएका छन्।

तर गाजामा रहेको संयुक्त राष्ट्रसंघको सबैभन्दा ठूलो एजेन्सी ‘युनाइटेड नेसन्स रिलिफ एण्ड वर्क एजेन्सी फर प्यालेस्टाइन रिफ्युजी इन द नियर ईस्ट’ (युएनआरडब्ल्यूए) ले पनि अब इन्धनको अभावका कारण त्यहाँ सहायता कार्य रोकिनुपर्ने बताएको छ ।

“क्रसबोर्डर सहायता अभियान भोलि रफा क्रसिङमा हुनेछैन,” युएनआरडब्ल्यूएले बिहीबार सोशल मिडिया साइट एक्समा पोस्ट गरेको एक विज्ञप्तिमा भन्यो। गाजामा इन्धन नहुँदा सञ्चार सञ्जाल बन्द छ। यसले मानवीय सहायता व्यवस्थापन वा समन्वय गर्न असम्भव बनाएको छ।

तर, यसै साता इजरायलले पहिलोपटक २५ हजार लिटर इन्धन गाजा जान अनुमति दिएको थियो, ताकि संयुक्त राष्ट्रसंघका गाडीहरूले इन्धन पाउन सकून् । तर आवश्यकता अनुसार अपुग थियो र अहिले समाप्त भएको छ ।