काठमाडौं । इजरायल डिफेन्स फोर्स (आईडीएफ) ले अल-शिफा अस्पताललाई एक घण्टा भित्र खाली गर्न आदेश दिएको दाबी गर्ने रिपोर्टहरूलाई अस्वीकार गरेको छ।

आईडीएफले यो अनुरोध अल-शिफा अस्पतालका निर्देशकले गरेको र सेनाले स्वीकार गरेको बताएको छ। अस्पताल छोड्न चाहने गाजाका मानिसहरूलाई ‘सुरक्षित बाटो’ दिइएको छ।

आइडीएफले एक विज्ञप्ति जारी गर्दै भन्यो, “कहिले पनि आइडीएफले बिरामी वा मेडिकल स्टाफलाई बाहिर निकाल्न कुनै आदेश दिएको छैन। वास्तवमा, हामीले भनेका छौं कि यदि कसैलाई स्वास्थ्यको आधारमा अस्पतालबाट बाहिर निकाल्ने अनुरोध छ भने, आइडीएफले सहयोग गर्नेछ।”

विज्ञप्तिमा भनिएको छ कि स्वास्थ्यकर्मीहरू बाहिर जान नसक्ने बिरामीहरूको साथमा रहनेछन्। सेनाले अस्पताललाई खाना, पानी र मानवीय सहायता उपलब्ध गराएको जनाएको छ ।

इजरायलले अस्पताल मुनि हमासले आफ्नो आधार बनाएको र खोजी भइरहेको बताएको छ ।

सेनाले केही हतियार फेला पारेको बताएको छ तर अहिलेसम्म अस्पताल अन्तर्गत हमासको ठूलो कमाण्ड सेन्टर रहेको प्रमाण दिएको छैन ।

ठूलो संख्यामा विस्थापितहरूले अस्पतालमा शरण लिएका छन्। अस्पताल वरिपरि भीषण द्वन्द्व चलिरहेको छ र यहाँको अवस्था निरन्तर बिग्रँदै गएको छ ।