काठमाडौं । अमेरिकालगायत अन्तर्राष्ट्रिय समुदायले इजरायललाई आम जनताको जीवन र सम्पत्तिमा क्षति हुन नदिन थप कदम चाल्न निरन्तर अपिल गरिरहेका छन् ।

अक्टोबर ७ पछि सुरु भएको द्वन्द्वमा गाजामा कम्तीमा १६,२४८ जनाको मृत्यु भएको हमासका अधिकारीहरूले बताएका छन्। मृत्यु हुनेमा तीन चौथाइ महिला र बालबालिका थिए।

इजरायलको युद्ध नीतिको बचाउ गर्दै पूर्व प्रधानमन्त्री नफ्ताली बेनेटले बीबीसीलाई इजरायलले गाजामा संयमता देखाएको बताएका छन्।

उनले भने, “यदि हामीले आम जनतालाई चोट पुर्याउन चाहेको भए, अक्टोबर ८ मा एकै दिनमा यो सम्पूर्ण युद्ध जित्न सक्थ्यौं। हामीले गाजामा अन्धाधुन्ध बमबारी गर्न सक्थ्यौं। यो हाम्रो लागि संसारको सबैभन्दा सजिलो कुरा हुन्थ्यो। तर हामीले त्यसो गरिरहेका छैनौं।”