काठमाडौं । गाजामा तत्काल युद्धविरामको प्रस्तावलाई अमेरिकाले भिटो गरेको छ ।

संयुक्त राष्ट्रसंघको सुरक्षा परिषद्को स्थायी सदस्यहरूमध्ये अमेरिका यस प्रस्तावको विपक्षमा मतदान गर्ने एक मात्र राष्ट्र हो। बेलायत मतदानमा अनुपस्थित रह्यो। फ्रान्सले यो प्रस्तावको पक्षमा मतदान गरेको थियो ।

अमेरिकाको भिटोका कारण यो प्रस्ताव असफल भएको छ ।

अमेरिकाले यस प्रस्तावको पछाडीको प्रक्रियालाई ‘हतारको’ भन्दै यसका लागि ‘उचित सल्लाह’ नलिइएको बताएको छ ।

अमेरिकाका अनुसार यो प्रस्तावले अक्टोबर ७ मा हमासले इजरायलमा गरेको आक्रमणको निन्दा गरेको छैन ।

यसका प्रतिनिधिले सुरक्षा परिषद्लाई भने, “अक्टोबर ७ मा हमासले गरेको काम कुनै पनि देशले सहन सक्दैन वा सहन हुँदैन।”

अमेरिकाले यो प्रस्तावको सबैभन्दा अवास्तविक पक्ष ‘बिनशर्त युद्धविराम’को अपील रहेको पनि बताएको छ ।

अमेरिकाका अनुसार, “यसो गरेर, हमास फेरि आफ्नो ठाउँमा खडा हुनेछ र उसले अक्टोबर ७ मा गरेको काम दोहोर्याउन सक्षम हुनेछ।”

अमेरिकी प्रतिनिधिले भने, “दुर्भाग्यवश हाम्रा प्राय सबै सिफारिसहरूलाई बेवास्ता गरियो। यो हतारले असन्तुलित समाधान निकालेको छ, जुन वास्तविकताबाट अलग छ।”