अस्ट्रेलियाका विशप क्रिस्टोफर सान्डर्समाथि बलात्कारको आरोप
काठमाडौं । अस्ट्रेलियाका विशप क्रिस्टोफर सान्डर्समाथि बलात्कार र धेरै यौन अपराधको आरोप लागेको छ । यीमध्ये धेरै घटना बालबालिकाविरुद्धको अपराधका छन्।
७४ वर्षीय सान्डर्सलाई बुधबार ब्रूममा पक्राउ गरिएको थियो । उनी विरुद्ध पश्चिमी अष्ट्रेलिया प्रहरी र पोपले अनुसन्धानको आदेश दिएका छन्।
उनी यस्ता आरोपहरूको सामना गर्ने सबैभन्दा वरिष्ठ क्याथोलिक पादरी हुन्।
सान्डर्समाथि बलात्कारको दुईवटा आरोप छ। यसबाहेक उनीविरुद्ध अभद्र व्यवहारका १४ र बालबालिकासँग दुर्व्यवहारसम्बन्धी ३ वटा मुद्दा परेका छन् ।
यी कथित घटनाहरू २००८ र २०१४ को बीचमा पश्चिमी अष्ट्रेलियाका धेरै क्षेत्रहरूमा देखा पर्यो।
यसअघि कार्डिनल जर्ज पेल पनि यौन अपराधसँग सम्बन्धित मुद्दामा जेल परेका थिए र पछि सफाइ पाएका थिए ।
जर्ज पेल अब यो संसारमा छैनन्। उनी पछि, सान्डर्स अष्ट्रेलियामा बालबालिकाको यौन दुर्व्यवहारको आरोप लाग्ने सबैभन्दा वरिष्ठ क्याथोलिक अधिकारी हुन्।
बिहीबार एक विज्ञप्तिमा, अष्ट्रेलियाली क्याथोलिक विशप सम्मेलनले पुलिसलाई सहयोग गर्ने वाचा गरेको छ र सान्डर्स विरुद्धका आरोपहरू “गम्भीर र चिन्ताजनक” रहेको बताएको छ।
Facebook Comment