काठमाडौं । कसैको मृत्यु भयो भने उसको परिवारलाई नराम्रो धक्का लाग्छ । यदि कोही धेरै नजिक छ भने मानिसहरु उसको मृत्युको सत्यतालाई स्वीकार गर्न पनि चाहँदैनन् र केहि चमत्कार होस् र उसको मृत शरीर ब्युँझियोस् भन्ने आशा राख्छन्, तर त्यस्तो हुँदैन। तर हालै साउथ योर्कशायरमा एउटा चमत्कार भयो। यहाँ एक ३१ वर्षीय व्यक्ति मरेपछि जीवित भए।

घरमै बसेका बेला हर्ट अट्याक भएपछि बेन विल्सनको मुटुको धड्कन रोकियो। मेट्रोको रिपोर्टका अनुसार विल्सन आफ्नी २७ वर्षीय मंगेतर रेबेका होम्ससँग फ्ल्याटमा थिए जब उनलाई हृदयाघात भएको थियो । होम्सले तुरुन्तै उनलाई सीपीआर दिन थालिन् र प्यारामेडिकहरू नआउन्जेल जारी राखिन् । जब प्यारामेडिकहरू अवस्था ठिक नभएको बताए ।

होम्सले मेट्रोलाई भनिन् “धड्कन रोकिएपछि पनि प्यारामेडिकहरूले ४० मिनेटमा ११ पटक उनलाई झट्का दिन डिफिब्रिलेटर प्रयोग गरे। त्यसपछि उनीहरूले उनलाई बाहिर लगे र १० मिनेटमा छ पटक सीपीआर दिए । त्यसपछि उनी फेरि जीवित भए। उनी पहिले नै करिब ५० मिनेटसम्म मरिसकेका थिए। धड्कन सुचारू हुनेबित्तिकै कुनै क्षति हुन नदिन उनीहरूले उनलाई तुरुन्तै कोमामा राखे। पछि उनलाई बार्नस्ले अस्पताल लगियो जहाँ उनको आकस्मिक शल्यक्रिया गरिएको थियो।”