काठमाडौं । समुद्री सुरक्षा अनुगमन गर्ने एजेन्सीहरूले एडेनको खाडीमा रहेको जहाजमा अर्को आक्रमण भएको हुनसक्ने बताएका छन्।

खाडीबाट गुज्रिरहेको एउटा जहाजले जिबूतीबाट करिब १३० किलोमिटर दक्षिणपूर्वमा विस्फोट भएको चेतावनी पठाएको थियो। यसपछि सुरक्षा एजेन्सीहरूले एडेनको खाडीमा एउटा जहाजमा हमला भएको बताएका छन् ।

तर, विस्फोटको कारण भने खुल्न सकेको छैन । तर इरान समर्थित यमनको हुथी विद्रोहीले गरेको आक्रमण यसको कारण हुन सक्ने अनुमान गरिएको छ ।

हालैका महिनाहरूमा, यमनका हुथी विद्रोहीहरूले खाडी पार गर्ने धेरै जहाजहरूमा आक्रमण गरेका छन्।

गाजामा इजरायलको सैन्य कारबाहीको विरोधमा हुथी विद्रोहीहरूले अन्तर्राष्ट्रिय जहाजहरूलाई निशाना बनाएका छन्।

जहाज कब्जा गर्नु बाहेक, हुथी विद्रोहीहरूले धेरै जहाजहरूमा ड्रोन र मिसाइलले आक्रमण गरेका छन्।